തൃശൂർ ജില്ലയിൽ ഇന്ന് (06-11-2024); അറിയാൻ, ഓർക്കാൻ

∙ ചാലക്കുടി ഫാസ് ഓഡിറ്റോറിയം: റസിഡന്റ്സ് അസോസിയേഷൻ കോഓഡിനേഷൻ ട്രസ്റ്റ് (ക്രാക്ട്) ഒരുക്കുന്ന ജോസ് പെല്ലിശേരി സ്മാരക നാടകമേള. സാംസ്കാരികസദസ്സd 6.00, അമ്പലപ്പുഴ സൂര്യകാന്തിയുടെ നാടകം – ‘കല്യാണം’  6.30. 
∙ ചാലക്കുടി ചോല ആർട് ഗാലറി: ‘സീൻ അന്യൂ’ ചിത്ര–ശിൽപ പ്രദർശനം 9.00.
∙നന്തിപുലം രാമപുരം ശ്രീരാമ ക്ഷേത്രം: ഭാഗവത സപ്താഹ യജ്ഞം –  6.30.
മോണ്ടിസോറി ടീച്ചർ ട്രെയ്നിങ് 
തൃശൂർ ∙ കെൽട്രോൺ നടത്തുന്ന ഒരു വർഷത്തെ മോണ്ടിസോറി ടീച്ചർ ട്രെയ്നിങ് കോഴ്സിലേക്ക് അപേക്ഷ ക്ഷണിച്ചു. സർട്ടിഫിക്കറ്റുകൾ സഹിതം അടുത്തുള്ള കെൽട്രോൺ നോളജ് സെന്ററിൽ എത്തിച്ചേരണം. 9072592412.
തൃശൂർ ∙ കേന്ദ്രസർക്കാർ സംരംഭമായ ബിസിൽ നവംബറിൽ ആരംഭിക്കുന്ന രണ്ടു വർഷം, ഒരു വർഷം, ആറു മാസം ദൈർഘ്യമുള്ള മോണ്ടിസോറി, പ്രീ-പ്രൈമറി, നഴ്സറി ടീച്ചർ ട്രെയ്നിങ് കോഴ്സുകൾക്ക് അപേക്ഷ ക്ഷണിച്ചു. 7994449314.

മദ്യനിരോധനം 
തൃശൂർ ∙ മുല്ലശേരി പഞ്ചായത്തിലെ പറമ്പന്തള്ളി ശ്രീമഹാദേവ ക്ഷേത്രത്തിലെ ഷഷ്ഠി മഹോത്സവത്തോടനുബന്ധിച്ച് പാവറട്ടി പൊലീസ് സ്റ്റേഷൻ പരിധിയിൽ ഇന്ന്  12 മുതൽ നാളെ പുലർച്ചെ  12 വരെ മദ്യനിരോധനം ഏർപ്പെടുത്തി. 
ലിഫ്റ്റ് ഓപ്പറേറ്റർ
തൃശൂർ ∙ജനറൽ ആശുപത്രിയിൽ താൽക്കാലികാടിസ്ഥാനത്തിൽ ദിവസ വേതന വ്യവസ്ഥയിൽ സെക്യൂരിറ്റി കം ലിഫ്റ്റ് ഓപ്പറേറ്റർ തസ്തികയിൽ നിയമനം നടത്തുന്നു. 15ന് രാവിലെ 11ന് ആശുപത്രി സൂപ്രണ്ടിന്റെ ചേംബറിൽ നടക്കുന്ന അഭിമുഖം നടക്കും. 0487 2427778.
പ്രൊജക്ട് ഫെലോ
തൃശൂർ ∙ കേരള വന ഗവേഷണ സ്ഥാപനത്തിൽ ഗവേഷണ പദ്ധതിയിൽ പ്രോജക്ട് ഫെലോയുടെ താൽക്കാലിക ഒഴിവ്. അഗ്രികൾചർ, ഫോറസ്ട്രി, എൻവയൺമെന്റ് സയൻസ് എന്നീ വിഷയങ്ങളിൽ ബിരുദാനന്തര ബിരുദമുള്ളവർക്ക് അപേക്ഷിക്കാം. 12 ന് രാവിലെ 10ന് അഭിമുഖം. വെബ്: www.kfri.res.in 

 വൈദ്യുതി മുടങ്ങും
പരിയാരം ∙ നോർത്ത് കൊന്നക്കുഴി, ബോധി ക്ലബ് എന്നിവിടങ്ങളിൽ ഇന്ന് രാവിലെ 8 മുതൽ വൈകിട്ട് 5 വരെ വൈദ്യുതി മുടങ്ങും.
അഡ്മിഷൻ നാളെ
മണ്ണുത്തി ∙  കാർഷിക സർവകലാശാലയ്ക്ക് കീഴിലുള്ള കുമരകം പ്രാദേശിക കാർഷിക ഗവേഷണ കേന്ദ്രത്തിൽ 2024-25 അധ്യയന വർഷത്തെ ബിഎസ്‍സി(ഓണേഴ്സ്) അഗ്രികൾചർ കോഴ്സിലേക്കുള്ള ആദ്യഘട്ട അഡ്മിഷൻ നാളെ 10.15 ന് വെള്ളാനിക്കര കാർഷിക സർവകലാശാല ആസ്ഥാനത്തെ സെൻട്രൽ ഓഡിറ്റോറിയത്തിൽ. www.admissions.kau.in.
ഗതാഗതം
നിരോധിച്ചു 
ചിയ്യാരം ∙ കോൺവന്റ് പൊതുമരാമത്ത് വകുപ്പ് റോഡിൽ ആലുംവെട്ടുവഴി മുതൽ മണലിപ്പാടം വരെ കലുങ്ക് പൊളിച്ച് പണിയുന്നതിന്റെ ജോലികൾ പൂർത്തിയാകുന്നതുവരെ ഇന്നുമുതൽ വാഹനഗതാഗതം പൂർണമായി നിരോധിച്ചു. ആലുംവെട്ടുവഴി ആൽത്തറ പട്ടാളക്കിണർ വഴി വരുന്ന വാഹനങ്ങൾ സെന്റ് ജോൺസ് വഴി തിരിഞ്ഞു പോകേണ്ടതാണെന്ന് ചേർപ്പ് പൊതുമരാമത്ത് വകുപ്പ് അസിസ്റ്റന്റ് എൻജിനീയർ അറിയിച്ചു.
കുടിവെള്ള വിതരണം തടസ്സപ്പെടും 
ചാഴൂർ ∙ ഇല്ലിക്കൽ പമ്പ് ഹൗസിൽ അറ്റകുറ്റ പണികൾ നടക്കുന്നതിനാൽ വ്യാഴം,വെള്ളി ദിവസങ്ങളിൽ ചാഴൂർ, താന്ന്യം, അന്തിക്കാട് പഞ്ചായത്തുകളിൽ കുടിവെള്ള വിതരണം പൂർണമായും തടസ്സപ്പെടുമെന്ന് അധികൃതർ അറിയിച്ചു.