സമസ്ത കേരള വാര്യർ സമാജം ‘യൂത്ത് വൈബ്സ് 2കെ24’ സംഘടിപ്പിച്ചു

തൃശൂര്‍∙ സമസ്ത കേരള വാര്യർ സമാജം പോഷക സമിതിയുടെ നേതൃത്വത്തിൽ സമാജത്തിലെ യുവജനങ്ങളുടെ കൂട്ടായ്മ ‘യൂത്ത് വൈബ്സ് 2കെ24’ (കേന്ദ്ര യുവജന സംഗമം) നവംബർ 10ന് ഗുരുവായൂർ അക്ഷയയിൽ സംഘടിപ്പിച്ചു. വിവിധ ജില്ലകളിൽ നിന്നുള്ള യുവാക്കളും കേന്ദ്ര സാരഥികളും പങ്കെടുത്തു. പരിപാടി ഡോ. കെ.ബി.സുരേഷ് (റിട്ട. ഡിവൈഎസ്പി) ഉദ്ഘാടനം ചെയ്തു. കേന്ദ്ര പ്രസിഡന്റ് പി.കെ.മോഹൻദാസ് അധ്യക്ഷത വഹിച്ചു.

ജനറൽ സെക്രട്ടറി മുരളീധര വാര്യർ, ട്രഷറർ വി.വി.ഗിരീശൻ, വനിതാ വേദി സെക്രട്ടറി ചന്ദ്രിക ദേവി, പോഷക സമിതി കൺവീനർ രജനീഷ് ആർ. വാര്യർ എന്നിവർ സംസാരിച്ചു. ‘സ്വാതന്ത്ര്യ ദിനാഘോഷം 2024’ മത്സര വിജയികൾക്കുള്ള സമ്മാനവിതരണവും നടത്തി. ദേവരാജൻ കുറ്റമുക്ക് (തൃശൂർ), നീതു വാര്യർ (പാലക്കാട്), ഹരികൃഷ്ണൻ വാര്യർ (ആലപ്പുഴ) എന്നിവരെ യഥാക്രമം യുവജനവേദി പ്രസിഡന്റ്, സെക്രട്ടറി, ട്രഷറർ എന്നീ സ്ഥാനങ്ങളിലേക്ക് തിരഞ്ഞെടുത്തു.