ലേശം ഉളുപ്പ് ...! ചക്കംക്കണ്ടത്ത് ഒരു ലോഡ് മാലിന്യം വീടിന് മുന്നിൽ തള്ളി

പാവറട്ടി ∙ ചക്കംക്കണ്ടത്ത് ഒരു ലോഡ് മാലിന്യം വീടിന് മുന്നിൽ തള്ളി. ചെമ്പ്രംതോട് പാലത്തിന് സമീപം പുതുവീട്ടിൽ സമീമിന്റെ വീടിന് മുന്നിലാണ് രാത്രിയുടെ മറവിൽ വാഹനത്തിൽ ‍ഇവ കൊണ്ടുവന്ന് തള്ളിയത്. വീട് പണി കഴിഞ്ഞതിന്റെ അവശിഷ്ടമാണ് ചാക്കുകളിലാക്കി കൊണ്ടു വന്നിട്ടുള്ളത്. ശബ്ദം കേട്ട് വീട്ടുകാർ പുറത്ത് വരുമ്പോഴേക്കും സാമൂഹിക വിരുദ്ധർ വാഹനവുമായി കടന്നു കളഞ്ഞു. പഞ്ചായത്ത് പ്രസിഡന്റ് എം.എം.റജീനയുടെ നേതൃത്വത്തിൽ ജനപ്രതിനിധികൾ  സ്ഥലത്തെത്തി പരിശോധന നടത്തി. പാവറട്ടി പൊലീസ് അന്വേഷണം നടത്തി കുറ്റക്കാർക്കെതിരെ നടപടി സ്വീകരിക്കണമെന്നാണ് ആവശ്യം.