കാറുമായി കൂട്ടിയിടിച്ച ബസ് മറിഞ്ഞു യുവാവ് മരിച്ചു

ബത്തേരി ∙ കാറുമായി കൂട്ടിയിടിച്ച ബസ് നിയന്ത്രണം വിട്ടു മറിഞ്ഞു യുവാവ് മരിച്ചു. കാർ യാത്രികനടക്കം 100 പേർക്കു പരുക്ക്. അമ്പലവയൽ മലയച്ചംകെ‍ാല്ലി നത്തംകുനി പുൽപാടി ഭാസ്കരന്റെ(വാസു) മകൻ വിപിൻ(29) ആണു മരിച്ചത്. 

ഇന്നലെ രാവിലെ 9 ന് ബത്തേരി ദൊട്ടപ്പൻകുളം ഐഡിയൽ സ്കൂളിനു സമീപമാണ് അപകടം. രാവിലെ കൽപറ്റയിൽ നിന്ന് ബത്തേരിയിലേയേക്ക് വരികയായിരുന്നു ഗീതിക ബസും കൽപറ്റ ഭാഗത്തേക്ക് പോകുകയായിരുന്ന കാറും തമ്മിൽ ഇടിക്കുകയും നിയന്ത്രണം വിട്ട ബസ് മറിയുകയുമായിരുന്നു. ബസിന്റെ വാതിലിനരികെ നിന്ന വിപിൻ ബസിന്റെ അടിയിലേക്ക് തെറിച്ച് വീണു. സംഭവ സ്ഥലത്തു തന്നെ മരിച്ചു. 

പരുക്കേറ്റവരെ ബത്തേരി, കൽപറ്റ, മേപ്പാടി, കോഴിക്കോട് എന്നിവിടങ്ങളിലെ  ആശുപത്രികളിൽ പ്രവേശിപ്പിച്ചു. ആരുടെയും നില ഗുരുതരമല്ല. അപകടത്തെ തുടർന്ന് ഏറെ നേരം  ഗതാഗത തടസ്സമുണ്ടായി. ബത്തേരിയിൽ പിഎസ്‍സി പരിശീലന കേന്ദ്രത്തിൽ പഠിക്കുകയായിരുന്നു വിപിൻ.  സംസ്കാരം നടത്തി. അമ്മ. പത്മാവതി. സഹോദരങ്ങൾ. വിനൂപ്, വിപിത.