കെഎസ്ആർടിസി ബസും ടിപ്പർ ലോറിയും കൂട്ടിയിടിച്ചു; 13 പേർക്ക് പരുക്ക്

മാനന്തവാടി ∙ കണിയാരത്ത് കെഎസ്ആർടിസി ബസും ടിപ്പർ ലോറിയും കൂട്ടിയിടിച്ചു. കെഎസ്ആർടിസി ബസ് ഡ്രൈവറടക്കം 13 പേർക്കു പരുക്കേറ്റു. ആരുടെയും പരുക്കു ഗുരുതരമല്ല. കണ്ണൂരിൽ നിന്നു മാനന്തവാടിയിലേക്കു വരികയായിരുന്ന ഫാസ്റ്റ് പാസഞ്ചറും, കൊട്ടിയൂർ ഭാഗത്തേക്കു പോകുകയായിരുന്ന ടിപ്പറുമാണ് അപകടത്തിൽപ്പെട്ടത്. ഉച്ചയ്ക്ക് 2 മണിയോടെയിരുന്നു അപകടം. ടിപ്പറുമായിടിച്ച ശേഷം കെഎസ്ആർടിസി ബസ് സമീപത്തെ കടയിൽ ഇടിച്ചാണ് നിന്നത്. കടയ്ക്കും നാശനഷ്ടം സംഭവിച്ചിട്ടുണ്ട്.