ജനങ്ങളെ ഭീതിയിലാഴ്ത്തി ചെന്നായ് കൂട്ടം; വളർത്തുമൃഗങ്ങളെ ആക്രമിച്ച് ഭക്ഷണമാക്കുന്നു

ഗൂഡല്ലൂർ∙ ഊട്ടി-ഗൂഡല്ലൂർ ദേശീയ പാതയിൽ എച്ച്പിഎഫ് ഫിലിം കമ്പനിയുടെ സമീപത്തായി പ്രദേശവാസികളെ ഭീതിയിലാഴ്ത്തി ചെന്നായ് കൂട്ടം. എച്ച്പിഎഫ് ഹൗസിങ് കോളനിക്കു സമീപം സ്ഥിരമായി ചെന്നായ് കൂട്ടം എത്തുന്നുണ്ട്. നീലഗിരിയിൽ മസിനഗുഡി മഴനിഴൽ പ്രദേശങ്ങളിൽ മാത്രം കണ്ടിരുന്ന ചെന്നായ് കൂട്ടം മുക്കുറുത്തി വനമേഖലയിലും കണ്ടുതുടങ്ങിയത്. ചെന്നായ്ക്കളുടെ എണ്ണം വർധിച്ചു തുടങ്ങിയതായി വനംവകുപ്പിന്റെ കണക്കെടുപ്പിൽ കണ്ടെത്തിയിരുന്നു. വളർത്തു മൃഗങ്ങളെയാണ് ചെന്നായ്ക്കൂട്ടം ആക്രമിച്ചു ഭക്ഷണമാക്കുന്നത്.