ബിഐസിസി പുതുവത്സര ആഘോഷം സംഘടിപ്പിച്ചു

ബാലിനസ്ലോ ∙ ബാലിനസ്ലോ മലയാളി സമൂഹത്തിന്റെ ആഭിമുഖ്യത്തിൽ ബിഐസിസിയുടെ നേതൃത്വത്തിൽ പുതുവത്സരാഘോഷം അത്യുത്സാഹപൂർവ്വം കൊണ്ടാടി ഗാർഡ ഇൻസ്പെക്ടർ ഡെക്ലാൻ റോക്ക് പരിപാടിയുടെ ഉദ്ഘാടനം നിർവഹിച്ചു. ബാലിനസ്ലോ ഇന്ത്യൻ കമ്യുണിറ്റിയുടെ സ്തുത്യർഹമായ സേവനങ്ങളെ മാനിച്ച് ഇൻസ്പെക്ടർ റോക്ക്, ഐറിഷ് ഗാർഡയുടെ സെന്റനറി മെഡൽ ബിഐസിസിക്കു നൽകി.

കലാസന്ധ്യയിൽ കുട്ടികളുടെയും മുതിർന്നവരുടെയും നൃത്ത ചുവടുകൾ ആഘോഷങ്ങൾക്ക് മാറ്റേകി. ഐറിഷ് ഗാർഡ ഉൾപ്പെടെ പങ്കെടുത്ത ഹാസ്യ നാടകം ഏവരിലും ഒരു  വേറിട്ട പങ്കാളിത്തത്തിന്റെയും സന്തോഷത്തിന്റെയും ചിരി ഉണർത്തി. കമ്മ്യൂണിറ്റി പൊലീസ് ഓഫിസറായ ഡേവിഡ് ഡള്ളി ആണ് സ്കിറ്റ് അവതരിപ്പിക്കാൻ ഒപ്പം കൂടിയത്. വിഭവസമൃദ്ധമായ സ്നേഹവിരുന്നിൽ ഏവരും പങ്കുചേർന്നു. അയർലണ്ടിലെ പ്രശസ്ത ബാൻഡായ കെ നോർത്തിന്റെ സംഗീത വിരുന്ന് അന്നേ ദിവസത്തെ കൂട്ടായ്മയ്ക്ക് കൊഴുപ്പേകി.