യുകെയിലെ മലയാളി പെന്തകോസ്ത് സമൂഹത്തിന്റെ വാർഷിക കൺവൻഷൻ

ലണ്ടൻ∙ യുകെയിലെ മലയാളി പെന്തകോസ്ത് സമൂഹത്തിന്റെ വാർഷിക കൺവൻഷനായ 17 മത്‌ എം പി എ യുകെ നാഷനൽ കോൺഫറൻസ് ഹേവാർഡ്‌സ് ഹീത്തിലെ അർഡിങ്‌ലി പട്ടണത്തിൽ വച്ചു 2024 മാർച്ച് 29,30,31 തീയതികളിൽ നടത്തപ്പെടുന്നു. മലയാളി പെന്തകോസ്റ്റൽ അസോസിയേഷൻ പ്രസിഡന്റ് റവ ബിനോയ് എബ്രഹാം ഉദ്ഘാടനം ചെയ്യുന്ന കോൺഫറൻസിൽ ദൈവവചന ശുശ്രുഷക്കായി പാസ്റ്റർ ദാനിയേൽ കൊന്നനിൽകുന്നതിൽ (സെക്രട്ടറി, ഐ പി സി കേരള സ്റ്റേറ്റ് ) മുഖ്യ പ്രഭാഷണം നടത്തും

യൂത്ത് സ്‌പീക്കറായി ഡോ ബ്ലസൻ മേമനയും, ലേഡീസ് സ്‌പീക്കറായി സിസ്റ്റർ സാറ കോവൂരും പങ്കെടുക്കുന്നു. എം പി എ ക്വയർ ആരാധനകൾക്ക് നേതൃത്വം നൽകുന്നു. മുൻ വർഷങ്ങളെ അപേക്ഷിച്ചു ഇത്തവണത്തെ കോൺഫറൻസ് അതിവിശാലമായ സൗത്ത് ഓഫ് ഇംഗ്ലണ്ട് ഇവന്റ് സെന്ററിൽ വച്ചാണ് നടത്തപ്പെടുന്നത്. ഈ കോൺഫറൻസിന്റെ വിജയത്തിനായി ജനറൽ കമ്മറ്റിയിൽ പാസ്റ്റർ സാംകുട്ടി പാപ്പച്ചൻ (വൈസ് പ്രസിഡന്റ്), പാസ്റ്റർ ഡിഗോൾ ലൂയിസ് (സെക്രട്ടറി), പാസ്റ്റർ പി സി സേവ്യർ (ജോ: സെക്രട്ടറി), പാസ്റ്റർ ജിനു മാത്യു (ട്രഷറർ) പ്രവർത്തിച്ചു വരുന്നു. യുകെയിലെ പെന്തകോസ്ത് സമൂഹത്തിന്റെ ഏറ്റവും വലിയ കോൺഫറൻസായ എം പി എ യുകെ കോൺഫറൻസിന്റെ എല്ലാവിധ ഒരുക്കങ്ങളും പൂർത്തിയായി വരുന്നതായി ലോക്കൽ കോഓർഡിനേറ്റർ പാസ്റ്റർ റോയ് തോമസ് അറിയിച്ചു.

(വാർത്ത ∙ പോൾസൺ ഇടയത്ത്)