സന്ദർലാൻഡിൽ അൽഫോൻസാമ്മയുടെ തിരുനാൾ സെപ്റ്റംബർ 14 ന്

സന്ദർലാൻഡ് ∙ ഭാരതത്തിന്റെ പ്രഥമ വിശുദ്ധയായ അൽഫോൻസാമ്മയുടെ തിരുനാൾ സെപ്റ്റംബർ 14 ന് സന്ദർലാൻ സെന്‍റ് ജോസെഫ്സ് ദേവാലയത്തിൽ വച്ച് ഭക്തിനിർഭരമായി ആഘോഷിക്കും.

രാവിലെ 10 മണിക്ക് ആരംഭിക്കുന്ന ദിവ്യബലിയിൽ ഫാ. ജോസ് അന്ത്യാംകുളം മുഖ്യകാർമികനാകും. തുടർന്ന്  വിശ്വാസ പ്രഘോഷണ പ്രദക്ഷിണം നടക്കും. ഉച്ചകഴിഞ്ഞ് 3 മണിക്ക് റെഡ്ഹൗസ് കമ്മ്യൂണിറ്റി സെന്‍റർറിൽ നടക്കുന്ന സാംസ്കാരിക സമ്മേളനത്തിൽ, നോർത്ത് ഈസ്റ്റിലെ വിവിധ പ്രദേശങ്ങളിൽ നിന്നുള്ള വൈദീകരും മറ്റു പ്രമുഖ വ്യക്തിത്വങ്ങളും പങ്കെടുക്കും.

സന്ദർലാൻഡ് സിറോ മലബാർ അംഗങ്ങൾ അവതരിപ്പിക്കുന്ന കലാപരിപാടികളും സമ്മേളനത്തെ സമ്പന്നമാക്കും. സെപ്റ്റംബർ 5 ന് ആരംഭിച്ച ഒൻപത് ദിവസം നീണ്ടുനില്ക്കുന്ന നൊവേനയ്ക്കും വിശുദ്ധ കുർബാനയ്ക്കും ഫാമിലി യൂണിറ്റ് അംഗങ്ങൾ നേതൃത്വം നൽകുന്നു. ഫാ. ജിജോ പ്ലാപ്പള്ളിയുടെ നേതൃത്വത്തിലുള്ള പാരിഷ് കമ്മിറ്റി, തിരുനാളിനെ നോർത്ത് ഈസ്റ്റിലെ മലയാളി സാംസ്കാരിക സംഗമമാക്കാനുള്ള ഒരുക്കത്തിലാണ്.