ഡബ്ലിനിൽ പിറവം പ്രവാസി സംഗമം 23ന്

ഡബ്ലിൻ ∙ അയർലൻഡിലെ പിറവം സ്വദേശികളുടെ സംഗമമായ പിറവം പ്രവാസി സംഗമം നാളെ ഡബ്ലിനിൽ നടക്കും.  രാവിലെ പത്ത് മണി മുതൽ വൈകിട്ട് എട്ട് മണി വരെ പാൾമർസ്‌ടൗണിലെ സെന്‍റ് ലോർക്കൻസ് ബോയ്സ് നാഷനൽ സ്കൂളിലാണ് പരിപാടി.

2013-ൽ 30-ഓളം കുടുംബങ്ങളുമായി തുടങ്ങിയ സംഗമത്തിൽ കഴിഞ്ഞ വർഷം നൂറോളം കുടുംബങ്ങൾ പങ്കെടുത്തിരുന്നു. ഇത്തവണ അതിലും അധികം പേർ പങ്കെടുക്കുമെന്നാണ് സംഘാടകരുടെ പ്രതീക്ഷ. എറണാകുളം ജില്ലയിലെ പിറവം നഗരസഭയിൽ നിന്നും സമീപ പ്രദേശങ്ങളിൽ നിന്നും അയർലൻഡിലേക്ക് കുടിയേറിയ മലയാളികളാണ് ഈ പരിപാടി സംഘടിപ്പിക്കുന്നത്. 

കുട്ടികളുടെയും മുതിർന്നവരുടെയും കലാപരിപാടികൾ, വിഭവസമൃദ്ധമായ ഭക്ഷണം എന്നിവയും പരിപാടിയിൽ ഉണ്ടാകും.

കൂടുതൽ വിവരങ്ങൾക്ക്:
ജിജി ചാരുപ്ലാവിലിൻ: 089 433 8895
മഹേഷ്: 087 911 7968
ഏലിയാസ്: 0873182781
തോമസ്കുട്ടി: 0894139459

‌