കേന്ദ്ര സഹമന്ത്രി സുരേഷ് ഗോപിക്ക് ഇറ്റലിയിൽ സ്വീകരണം

റോം ∙ ജി 7 കേന്ദ്രഉച്ചകോടിയിൽ പങ്കെടുക്കാൻ ഇറ്റലിയിൽ എത്തിയ കേന്ദ്ര സഹമന്ത്രി സുരേഷ് ഗോപിക്ക് വേൾഡ് മലയാളി ഫെഡറേഷനും ഇറ്റലിയിലെ ഇന്ത്യൻ എംബസിയും സംയുക്ത സ്വീകരണം നൽകി. വേൾഡ് മലയാളി ഫെഡറേഷൻ ഇറ്റലി നാഷനൽ കൗൺസിലിന്റെ നേതൃത്വത്തിൽ സംഘടിപ്പിക്കപ്പെട്ട 'മീറ്റ് ആൻഡ് ഗ്രീറ്റ്' സംഗമത്തിൽ പ്രവാസി മലയാളി സമൂഹവുമായി കേന്ദ്രമന്ത്രി സംവദിച്ചു. 

തനിക്ക് നൽകിയ സ്വീകരണത്തിന് അദ്ദേഹം നന്ദി അറിയിച്ചു. ഇന്ത്യൻ അംബാസ്സഡർ മിസ് വാണി റാവു, ഡെപ്യൂട്ടി ചീഫ് ഓഫ് മിഷൻ എംബസി ഓഫ് ഇന്ത്യ ഇൻ റോം അമരറാം ഗുർജർ അസിസ്റ്റന്റ്, ഡയറക്ടർ ജനറൽ - മിനിസ്ട്രി ഓഫ് ടൂറിസം ഇന്ത്യ ഉത്തങ്ക് ജോഷി, സ്കാൻഡിച്ചി സിറ്റി മേയർ ക്ലോഡിയ സെറിനി, ഡെപ്യൂട്ടി മേയർ യൂന കാശി സാദേഹ്, ഡബ്ല്യൂഎംഎഫ് ഗ്ലോബൽ വൈസ് പ്രസിഡന്റ്‌ സിറോഷ് ജോർജ്, സിറ്റി പൊലീസ് കമ്മിഷണർമാർ, ഡബ്ല്യൂഎംഎഫ് ജിഇസി അംഗം ലിജോ ജോസഫ്, 

ഡബ്ല്യൂഎംഎഫ് യൂറോപ്പ് റീജൻ ബിസിനസ്‌ ഫോറം കോർഡിനേറ്റർ ബിജു തോമസ്, ഡബ്ല്യൂഎംഎഫ് ഇറ്റലി നാഷനൽ കോർഡിനേറ്റർ ആനി അൽഫോൻസ്, ഡബ്ല്യൂഎംഎഫ് ഇറ്റലി നാഷനൽ പ്രസിഡന്റ്‌ ജോമോൻ തോമസ്, ഡബ്ല്യൂഎംഎഫ് ഇറ്റലി നാഷനൽ സെക്രട്ടറി അജിത് മോഹനൻ, ഡബ്ല്യൂഎംഎഫ് ഇറ്റലി നാഷനൽ വൈസ് പ്രസിഡന്റ് മിനി പുളിക്കൽ, ഡബ്ല്യൂഎംഎഫ് ഇറ്റലി നാഷനൽ ജോയിന്റ് സെക്രട്ടറി ജിങ്കിൾ ജോസ്, ഡബ്ല്യൂഎംഎഫ് നാഷനൽ മീഡിയ കോർഡിനേറ്റർ നിഖിൽ ജോസ്, നാഷനൽ വുമൺസ് കോർഡിനേറ്റർ ലാലി ജോയി, ഡബ്ല്യൂഎംഎഫ് ഫ്ലോറെൻസ് പ്രസിഡന്റ്‌ കാതറിൻ വർഗീസ് ഡബ്ല്യൂഎംഎഫ് ഫ്ലോറെൻസ് സെക്രട്ടറി ബിജു തോമസ് കച്ചപ്പള്ളി , ഫ്ലോറെൻസ് യൂണിറ്റ് ട്രഷറർ ലിയ അനീഷ്, വൈസ് പ്രസിഡന്റ്‌ ഫ്രാൻസിസ് അച്ചാണ്ടി, ജോയിന്റ് സെക്രട്ടറി ടെസ്സി ടെറൻസ്, മീഡിയ കോർഡിനേറ്റർ ഹെൽവിൻ ജോയ് എന്നിവരെ കൂടാതെ ഡബ്ല്യൂഎംഎഫ് പിസ യൂണിറ്റ് പ്രസിഡന്റ്‌ ലുലു, പിസ യൂണിറ്റ് സെക്രട്ടറി ജയ്മോൾ മാത്യു, ഡബ്ല്യൂഎംഎഫ് റോം യൂണിറ്റ് പ്രസിഡന്റ്‌ ബാബു കോഴികാടൻ, പട്രോൺ വിൻസെന്റ് തുടങ്ങി നിരവധി പേർ പരിപാടിയിൽ പങ്കെടുത്തു.

ഡബ്ല്യൂഎംഎഫ് ഫ്ലോറൻസ് മലയാളം ചാപ്റ്റർ ടീച്ചർമാരായ ലിജി ജോയ്, സോളി സിബി, എമിലിൻ കുട്ടികളും ചേർന്ന് മന്ത്രിക്ക് ഉപഹാരം നൽകുകയും ഉണ്ടായി. ചടങ്ങിൽ സുരേഷ് ഗോപി തൃശൂരിൽ നിന്നും കൊണ്ടുവന്ന അച്ചപ്പവും കുഴലപ്പവും ചടങ്ങിൽ പങ്കെടുത്ത എല്ലാവർക്കും വിതരണം ചെയ്തു. ഇറ്റലിയിലുള്ള ഇന്ത്യക്കാരുടെ ഇന്ത്യൻ ഡ്രൈവിങ് ലൈസൻസ് ഇറ്റാലിയൻ ഡ്രൈവിങ് ലൈസൻസ് ആയി കൺവേർട്ട് ചെയ്യുന്നതിനുള്ള പ്രയോഗിക ബുദ്ധിമുട്ടുകൾ ഒഴിവാക്കുന്നതിന് ആവശ്യമായ നടപടികൾ സ്വീകരിക്കുവാൻ ഡബ്ല്യൂഎംഎഫ് ഗ്ലോബൽ എക്സിക്യൂട്ടീവ് അംഗം ലിജോ ജോസഫ് കേന്ദ്രമന്ത്രിയോട് അഭ്യർഥിച്ചു.