മലനിരകളിൽ കാണാതായ യുവാവിനായി തിരച്ചിൽ തുടരുന്നു

ഫുജൈറ ∙ മലനിരകളിൽ കാണാതായ യുവാവിന് വേണ്ടി ഫുജൈറ പൊലീസ് തിരച്ചിൽ തുടരുന്നു. ഒരാഴ്ച മുൻപാണ് 32 കാരനായ അറബ് യുവാവ് ദിബ്ബ അൽ ഫുജൈറയിലെ മലനിരകളിൽ കാണാതായത്. ഹെലികോപ്റ്ററും വിദഗ്ധ പരിശീലനം നേടിയ സംഘവുമാണ് തിരച്ചിലിന് നേതൃത്വം നൽകുന്നത്. 

മൂന്ന് ദിവസം മുൻപ് യുവാവിനെ കാണാനില്ലെന്ന് അറിഞ്ഞയുടൻ തന്നെ പൊലീസ് രക്ഷാപ്രവർത്തനം ആരംഭിച്ചിരുന്നതായി ദിബ്ബ ഫുജൈറ പൊലീസ് തലവൻ കേണൽ സെയ്ഫ് റാഷിദ് അൽ സഹ് മി പറഞ്ഞു.

യുവാവിന്റെ സഹോദരനാണ് പൊലീസിൽ പരാതി നൽകിയത്. സ്വദേശികളും തിരച്ചിലിന് കൂട്ടുചേർന്നിട്ടുള്ളതായും അറിയിച്ചു. യുവാവിനെക്കുറിച്ചുള്ള കൂടുതൽ വിവരങ്ങൾ പൊലീസ് പുറത്തുവിട്ടിട്ടില്ല.