മാർത്തോമൻ പൈതൃക വിളംബരം കുവൈത്തിലും

കുവൈത്ത് സിറ്റി∙ മാർത്തോമൻ പൈതൃക സംഗമത്തിനു ഐക്യദാർഢ്യം പ്രഖ്യാപിച്ച്  കുവൈത്തിലെ മലങ്കര സഭാ വിശ്വാസികൾ മാർത്തോമൻ പൈതൃക സ്മൃതി കൊണ്ടാടി.  സെന്‍റ് ഗ്രീഗോറിയോസ്‌ ഇന്ത്യൻ ഓർത്തഡോക്സ്‌ മഹാ ഇടവകയുടെ ആഭിമുഖ്യത്തിലാണ് മാർത്തോമൻ പൈതൃക സ്മൃതി സംഘടിപ്പിച്ചത്.

മഹാ ഇടവകയുടെ അബ്ബാസിയ സെന്‍റ് ബസേലിയോസ്‌ ചാപ്പൽ, സാൽമിയ സെന്‍റ് മേരീസ്‌ ചാപ്പൽ എന്നിവിടങ്ങളിൽ നടന്ന ചടങ്ങുകൾക്ക്‌ ഇടവക വികാരി  ഫാ. ഡോ. ബിജു ജോർജ്ജ്‌ പാറയ്ക്കൽ, സഹവികാരി ഫാ. ലിജു കെ. പൊന്നച്ചൻ, എം.ജി.ഓ.സി.എസ്‌.എം. കേന്ദ്ര ജനറൽ സെക്രട്ടറി  ഫാ. ഡോ. വിവേക്‌ വർഗീസ്‌,  ഫാ. ഗീവർഗീസ്‌ ജോൺ എന്നിവർ കാർമ്മികത്വം വഹിച്ചു. ഇടവക ട്രസ്റ്റി ജോജി പി. ജോൺ, സെക്രട്ടറി ജിജു പി. സൈമൺ, ഇടവക ഭരണസമിതിയംഗങ്ങൾ, സഭയുടേയും, ഭദ്രാസനത്തിന്‍റെയും, ഇടവകയുടെയും  ചുമതലക്കാർ എന്നിവരും  സന്നിഹിതരായിരുന്നു.