സ്കോളേഴ്സ് ഇന്ത്യൻ സ്കൂൾ മലയാളം ക്ലബ് സൗഹൃദ സന്ധ്യ

റാസൽഖൈമ ∙ സ്കോളേഴ്സ് ഇന്ത്യൻ സ്കൂൾ മലയാളം ക്ലബ് ഒരുക്കിയ സൗഹൃദ സന്ധ്യ വ്യത്യസ്ത പരിപാടികളുടെ സ്കൂൾ ഓഡിറ്റോറിയത്തിൽ നടന്നു. സ്കൂൾ  ചെയർമാൻ ഹബീബ് റഹ്മാൻ മുണ്ടോളിന്റെ നേതൃത്വത്തിൽ സ്കൂൾ പ്രധാനമന്ത്രി ഹന്ന റെജി അധ്യക്ഷത വഹിച്ചു. എഴുത്തുകാരൻ അക്ബർ ആലിക്കര ഉദ്ഘാടനം ചെയ്തു. പ്രിൻസിപ്പൽ ഹമീദ് അലി യഹ്യ, വൈസ് പ്രിൻസിപ്പൽ പ്രീത എന്നിവർ പ്രസംഗിച്ചു. കേരളത്തിന്റെ സാംസ്കാരിക മൂല്യങ്ങളും തനിമയും വിളിച്ചോതുന്ന കലാപരിപാടികൾ കുട്ടികൾ അവതരിപ്പിച്ചു.