എഎഫ്സി ചാംപ്യൻസ് ലീഗ് ജയം അൽഐൻ എഫ്സിക്ക് ഷെയ്ഖ് മുഹമ്മദിന്റെ അനുമോദനം

അബുദാബി ∙ 2024ലെ എഎഫ്സി ചാംപ്യൻസ് ലീഗിൽ യുഎഇക്ക് അഭിമാന വിജയം സമ്മാനിച്ച അൽഐൻ എഫ്സി ഫുട്ബോൾ ടീമിനെയും ഒഫീഷ്യൽസിനെയും പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ അനുമോദിച്ചു. അബുദാബി ഖസർ അൽ ബഹറിലായിരുന്നു ചടങ്ങ്. ടൂർണമെന്റിലുടനീളമുള്ള ടീമിന്റെ  അസാധാരണമായ പ്രകടനവും എടുത്തുപറഞ്ഞു.

കളിക്കാർ, ക്ലബ് ഭാരവാഹികൾ, കമ്മിറ്റി അംഗങ്ങൾ, സ്പോൺസർമാർ എന്നിവരാണ് സ്വീകരണത്തിൽ പങ്കെടുത്തത്. ക്ലബിന്റെ  മെഡിക്കൽ പങ്കാളിയായ ബുർജീൽ ഹോൽഡിങ്സ് ചെയർമാൻ ഡോ. ഷംഷീർ വയലിലും പങ്കെടുത്തു. അബുദാബി ഡപ്യൂട്ടി ഭരണാധികാരി ഷെയ്ഖ് ഹസ്സ ബിൻ സായിദ് അൽ നഹ്യാൻ ഉൾപ്പെടെ ഒട്ടേറെ പ്രമുഖരും ചടങ്ങിന് എത്തിയിരുന്നു.