ഗതാഗതതടസ്സവും വാഹനനീക്കവും നിരീക്ഷിക്കാൻ എഐ വാഹനം

ദുബായ് ∙ ഗതാഗത തടസ്സങ്ങളും വാഹനനീക്കവും നിരീക്ഷിക്കുന്നതിന് നിർമിത ബുദ്ധിയുടെ സഹായത്തോടെ പ്രവർത്തിക്കുന്ന പ്രത്യേക വാഹനം നിരത്തിലിറക്കി ആർടിഎ. ഒരു റോഡിൽ നിന്ന് മറ്റൊരു റോഡിലേക്കു കടക്കുമ്പോൾ വാഹനങ്ങൾ ഏതെങ്കിലും തടസ്സം നേരിടുന്നുണ്ടോ എന്നാണ് പരിശോധിക്കുക. റോഡിന്റെ ഡിസൈനിൽ ഉൾപ്പെടെ വരുത്തേണ്ട മാറ്റം കൃത്യമായി എഐ വാഹനം ഒപ്പിയെടുക്കും. ഇതിനായി ക്യാമറകളും സെൻസറുകളും ഇതിലുണ്ട്. 

ഗതാഗതം വഴിതിരിച്ചു വിടുന്നതിലെ തടസ്സങ്ങളും ഈ വാഹനം വിലയിരുത്തും. പരമ്പരാഗത രീതിയിലുള്ള സ്ഥല പരിശോധനയേക്കാൾ 70% അധികം മെച്ചപ്പെട്ട വിവരങ്ങളാണ് എഐ സാങ്കേതിക സംവിധാനത്തിലൂടെ ലഭിക്കുന്നത്.