വീസ പുതുക്കാൻ സാധിക്കാതെ കുടുങ്ങിയ കായംകുളം സ്വദേശിക്ക് തുണയായി ഇൻകാസ് ഇബ്രി
Mail This Article
×
മസ്‌കത്ത് ∙ കഴിഞ്ഞ ഒൻപതു മാസമായി റസിഡന്റ്‌സ് കാർഡും വീസ കാലാവധിയും തീർന്ന് ജോലി ഇല്ലാതെ പ്രയാസത്തിൽ ആയിരുന്ന കായംകുളം മുതുകുളം സ്വദേശി ഗോപാലകൃഷ്ണ ആചാരിക്ക് നാട്ടിലെത്താൻ വഴിയൊരുക്കി ഇൻകാസ് ഇബ്രി. ഇൻകാസ് സഹയാത്രികൻ കുയിൽ നിസാർ വഴി വിവരം അറിഞ്ഞ ഇൻകാസ് ഇബ്രി പ്രവർത്തകർ വിഷയം ഏറ്റെടുക്കുകയായിരുന്നു. ഇൻകാസ് ഇബ്രി വൈസ് പ്രസിഡന്റ് അൻസാരി ആറ്റിങ്ങൽ ഇടപെട്ട് ഗോപാല കൃഷ്ണൻ ആചാരിയുടെ തൊഴിലുടമയുമായി സംസാരിച്ച് അദ്ദേഹത്തിന്റെ ഫൈൻ അടച്ച് ഇൻകാസ് ഇബ്രി അദ്ദേഹത്തെ നാട്ടിലേക്ക് അയക്കുകയായിരുന്നു.
ഇൻകാസ് ഇബ്രി പ്രസിഡന്റ് ടി.എസ്. ഡാനിയേൽ, ജനറൽ സെക്രട്ടറി, ഷിഹാബ് തട്ടാരുകുറ്റിയിൽ, വൈസ് പ്രസിഡന്റ് രാജശേഖരൻ ചേർത്തല, ഷാനവാസ്, സുബൈർ കരുനാഗപ്പള്ളി താജുദ്ദീൻ, എൽദോ, ഇൻകാസ് സെൻട്രൽ കമ്മിറ്റി അംഗം ഇ.എം. ഷബീർ എന്നിവർ നേതൃത്വം നൽകി.
English Summary:
Kayamkulam Native, who was Unable to Renew his Visa and became stranded in Oman, has Finally Returned Home
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.