ഷെയ്ഖ് മുഹമ്മദിന്റെ ജന്മദിനാഘോഷം; ക്വിസ് മത്സരം നടത്തി ടീം ടോളറൻസ്

ദുബായ് ∙ യുഎഇ വൈസ് പ്രസിഡന്റും, പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ 75ാം പിറന്നാൾ ആഘോഷങ്ങളുടെ ഭാഗമായി വിവിധ രാജ്യങ്ങളിൽ നിന്നുള്ളവരെ പങ്കെടുപ്പിച്ചു ടീം ടോളറൻസ് ദുബായ് ക്വിസ് മത്സരം സംഘടിപ്പിച്ചു. ജോർദാനിൽ നിന്നുള്ള അബ്ദുല്ല യൂനിസ് ഡി ഹബീബ് ജേതാവായി. ഷെയ്ഖ് മുഹമ്മദ് രചിച്ച ‘റിഫ്‌ലക്‌ഷൻ ഓൺ ഹാപ്പിനസ് ആൻഡ് പോസിറ്റിവിറ്റി’ എന്ന പുസ്തകത്തിന്റെ അറബ് പരിഭാഷ ടീം ടോളറൻസ് ചെയർമാൻ സി. സാദിഖ് അലി ജേതാവിനു സമ്മാനിച്ചു. നാസിർ ബംഗാഷ്, അധ്യക്ഷത വഹിച്ചു. സിറാജുദ്ദീൻ കുട്ടമംഗലത്ത്, സെമി അഷ്റഫ്, മുഹമ്മദ് ഇർഫാൻ, അലി അഫ്സൽ, അഖ്ബർ ഷെയ്ഖ്, ഹർഷ് ഖിലാനി, വിഷ്ണുപ്രിയ എന്നിവർ പ്രസംഗിച്ചു.