ഇന്ത്യൻ എംബസി ഓപ്പൺ ഹൗസ് ഇന്ന്

മസ്കത്ത് ∙ ഇന്ത്യൻ എംബസിയുടെ ഓപ്പൺ ഹൗസ് ഇന്ന് ഉച്ചയ്ക്ക് 2.30 മുതൽ 4 വരെ എംബസിയിൽ നടത്തും.സ്ഥാനപതി അമിത് നാരംഗ് പങ്കെടുക്കും. ഇന്ത്യക്കാരായ പ്രവാസികൾക്ക് പരാതികൾ ബോധിപ്പിക്കുന്നതിനും വിവിധ വിഷയങ്ങളിൽ എംബസിയുടെ സഹായങ്ങൾ തേടുന്നതിനും അവസരം ലഭിക്കും. ഓപ്പൺ ഹൗസിൽ നേരിട്ട് പങ്കെടുക്കാൻ സാധിക്കാത്തവർക്ക് 98282270 എന്ന നമ്പറിൽ മുൻകൂട്ടി റജിസ്റ്റർ ചെയ്യാൻ സൗകര്യമൊരുക്കിയിരുന്നു. ഓപ്പൺ ഹൗസ് സമയത്ത് ഇവരെ എംബസി ഉദ്യോഗസ്ഥർ തിരികെ ബന്ധപ്പെടുമെന്നും  അറിയിച്ചു.