ശ്രീനാരായണ ഗുരുജയന്തിയും ഓണാഘോഷവും നടത്തി

അജ്മാൻ ∙  ശിവഗിരിമഠം ഗുരുധർമ പ്രചരണ സഭ യുഎഇയുടെ ആഭിമുഖ്യത്തിൽ 170ാമത് ശ്രീനാരായണ ഗുരുജയന്തിയും (തിരുജയന്തി മഹോത്സവം 2024) ഓണാഘോഷവും നടത്തി. ശിവഗിരിമഠം മുൻ ജനറൽ സെക്രട്ടറിയും ശ്രീനാരായണ മെഡിക്കൽ മിഷൻ ഹോസ്പിറ്റലിന്റെയും ശിവഗിരി സെൻട്രൽ സ്കൂളിന്റെയും സെക്രട്ടറിയുമായ ഋതംഭരാനന്ദ സ്വാമി ഉദ്ഘാടനം ചെയ്തു. ഡോ. കെ. സുധാകരൻ ചതയദിന സന്ദേശം നൽകി. ജെ. സുഗതൻ (റോയൽ പാലസ് ഗ്രൂപ്പ്‌), പ്രദീപ് നെന്മാറ (ഇന്ത്യൻ അസോസിയേഷൻ), ഡോ. ഹരികുമാർ എന്നിവർ വിശിഷ്ടാതിഥികളായി. ഗുരുദേവ ദർശനങ്ങളെ ആസ്പദമാക്കി അബ്ദുൽസലാം മുസലിയാർ പ്രസംഗിച്ചു. ഗുരുദേവ ഭജനയും ഗുരുദേവ കൃതികളുടെ നൃത്താവിഷ്കാരങ്ങളും മറ്റു കലാപരിപാടികളും നടന്നു. 

ചീഫ് കോഓർഡിനേറ്റർ കെ.പി. രാമകൃഷ്ണൻ, മാതൃസഭ രക്ഷാധികാരി അജിത രാജൻ, അസി. കോഓർഡിനേറ്റർ സ്വപ്ന ഷാജി, ട്രഷറർ സുഭാഷ് ചന്ദ്ര, പ്രോഗ്രാം ജനറൽ കൺവീനർ ആനന്ദം ഗോപിനാഥൻ, മാതൃസഭ സെക്രട്ടറി നിധി ദിലീപ്, ട്രഷറർ ഉഷാറാണി സുനിൽ, ജയപാലൻ വാലത് എന്നിവർ നേതൃത്വം നൽകി.