സേവനത്തിന്റെ പത്ത് വർഷങ്ങൾ പ്രവാസി വെൽഫെയറിന് ആദരവ്

ദമ്മാം ∙ പ്രവാസി വെൽഫെയറിൻ്റെ ജനസേവന പ്രവർത്തനങ്ങൾക്ക് കിംങ് ഫഹദ് സ്പെഷ്യാലിറ്റി ഹോസ്പിറ്റലിൻ്റെ അനുമോദനവും - ആദരവും.  പ്രവാസി റീജനൽ ജനസേവന കൺവീനർ ജംഷാദ് അലി കണ്ണൂർ, പ്രസിഡൻ്റ്  അബ്ദു റഹീം തീരൂർക്കാട് എന്നിവർ ചേർന്ന് അനുമോദന പത്രം ഏറ്റുവാങ്ങി.

കഴിഞ്ഞ പത്ത് വർഷം തുടർച്ചയായി പ്രവാസി വെൽഫെയർ നടത്തിയ ജനസേവന പ്രവർത്തനമായ രക്ത ദാന - മെഡിക്കൽ പ്രവർത്തനങ്ങൾക്കാണ് ആദരവ്. പ്രവാസി വെൽഫെയർ അതിൻ്റെ പത്താം വാർഷികം ആഘോഷിക്കുന്ന വേളയിൽ ലഭിച്ച ഈ അംഗീകാരം ഇരട്ടിമധുരം നൽകുന്നു എന്നും ഈസ്റ്റേൺ പ്രൊവിൻസ് ഹെൽത്ത് ഡിപഡിപ്പാർട്ട്മെൻ്റിനും ഇതിനായ്  സഹകരിച്ച മുഴുവൻ പ്രവാസി സമൂഹത്തിനും  നന്ദി അറിയിക്കുന്നു എന്നും   റീജനൽ പ്രസിഡൻ്റ് അബ്ദുറഹീം തീരൂർക്കാട് പറഞ്ഞു.

വാർത്ത ∙  റൗഫ് ചാവക്കാട്