നോർമ ഓണാഘോഷവും പെയ്ന്റിങ് മത്സരവും

അജ്മാൻ ∙ നോൺ റസിഡന്റ്സ് മാവേലിക്കര അസോസിയേഷൻ (നോർമ) യുഎഇ ചാപ്റ്റർ സ്കൂൾ കുട്ടികളെ പങ്കെടുപ്പിച്ചു പെയ്ന്റിങ് മത്സരവും ഓണാഘോഷവും നടത്തി. രാജാ രവിവർമ ട്രോഫിക്കു വേണ്ടിയുള്ള പെയ്ന്റിങ് മത്സരം രാമചന്ദ്രൻ പിള്ള ഉദ്ഘാടനം ചെയ്തു. ഓണാഘോഷം എലീറ്റ് ഗ്രൂപ്പ് ഓഫ് കമ്പനി എംഡി ഹരികുമാർ ഉദ്ഘാടനം ചെയ്തു. 

നോർമ പ്രസിഡന്റ് ഏബ്രഹാം സ്റ്റീഫൻ അധ്യക്ഷനായി. മോഹൻലാൽ വാസുദേവൻ, അജിത്ത്, എൽവിസ് ചുമ്മാർ എന്നിവർ പ്രസംഗിച്ചു. അഭിനേതാക്കളായ ഷാജി പല്ലാരിമംഗലം, റോഷിനി മധു, അസീസ് നെടുമങ്ങാട്, അജ്മാൻ മെട്രോപ്പൊലിറ്റൻ സ്കൂൾ വൈസ് പ്രസിഡന്റ് സുരേഷ് ബാബു  എന്നിവരെ ആദരിച്ചു.