കേരള പിറവിയോടനുബന്ധിച്ച് രക്തദാന ക്യാംപ് സംഘടിപ്പിച്ചു
Mail This Article
കുവൈത്ത് സിറ്റി ∙ കേരളപ്പിറവി ദിനത്തോടനുബന്ധിച്ച് കൊല്ലം ജില്ല പ്രവാസി സമാജം കുവൈത്തും ബിഡികെ കുവൈത്ത് ചാപ്റ്ററും സംയുക്തമായി രക്തദാന ക്യാംപ് സംഘടിപ്പിച്ചു. നവംബര്‍ 1ന്, ഉച്ചയ്ക്ക് ഒരു മണി മുതല്‍ ജാബ്രിയ സെന്‍ട്രല്‍ ബ്ലഡ് ബാങ്കില്‍ വച്ച് നടന്ന ക്യാംപില്‍ നിരവധി പേര്‍ രക്തം ദാനം ചെയ്തു.
ബഷീര്‍ ബത്ത ഉദ്ഘാടനം നിര്‍വഹിച്ച ക്യാംപിന്റെ ഔദ്യോഗിക ചടങ്ങുകള്‍ക്ക് സമാജം പ്രസിഡന്റ് അലക്‌സ് മാത്യു അധ്യക്ഷത വഹിച്ചു. ജനറല്‍ സെക്രട്ടറി ബിനില്‍ റ്റി ഡി സ്വാഗതവും, രക്ഷാധികാരി ജേക്കബ് ചണ്ണപ്പെട്ട, ബിഡികെ ജനറല്‍ കണ്‍വീനര്‍ രാജന്‍ തോട്ടത്തില്‍, മനോജ് മാവേലിക്കര, രക്തദാന ക്യാംപിന്റെ കണ്‍വീനര്‍ ഷാഹിദ് ലബ്ബ എന്നിവര്‍ ആശംസകള്‍ അറിയിച്ചു. ട്രഷറര്‍ തമ്പി ലൂക്കോസ് നന്ദി രേഖപ്പെടുത്തി.
ക്യാംപില്‍ പങ്കെടുത്തവര്‍ക്ക് സര്‍ട്ടിഫിക്കറ്റുകള്‍ നല്‍കി ആദരിച്ചു. കൊല്ലം ജില്ല പ്രവാസി സമാജം സെക്രട്ടറിമാര്‍, യൂണിറ്റ് കണ്‍വീനര്‍മാര്‍, വനിതാവേദി അംഗങ്ങള്‍, ബിഡികെ കുവൈത്ത് പ്രവര്‍ത്തകര്‍, ബിഡികെ ഏയ്ഞ്ചല്‍ വിങ് പ്രവര്‍ത്തകര്‍ എന്നിവരുടെ നേതൃത്വത്തില്‍ ക്യാംപ് സമാപിച്ചു.
blood donation camp was organized in Kerala Day
