റെട്രോ ദുബായ് കലാപുരസ്കാരം എം.എ. ഷാനവാസിന്

ഷാർജ ∙ റെട്രോ ദുബായ് പ്രഥമ കലാപുരസ്കാരം എം.എ. ഷാനവാസിന്. കൊച്ചി ആസ്ഥാനമായ ഹാംലെറ്റ് പബ്ലിക്ക പ്രസിദ്ധീകരിച്ച 'ദില്ലിനാമ ' എന്ന പുസ്തകത്തിന്റെ രൂപകല്പനയ്ക്കാണ് എം.എ. ഷാനവാസിന് പുരസ്കാരം ലഭിച്ചത്. ഡൽഹിയുടെ കലയും സംസ്കാരവും ചരിത്രവും അന്വേഷിക്കുന്ന പുസ്തകത്തിന്റെ ഉള്ളടക്കം പോലെത്തന്നെ മനോഹരമാണ് അതിന്റെ രൂപകൽപനയെന്ന് വിധികർത്താക്കൾ പറഞ്ഞു.

കൊച്ചി മാലിപ്പുറം സ്വദേശിയായ ഷാനവാസ് മുൻ മാധ്യമപ്രവർത്തകനും ഫോട്ടോഗ്രഫറുമാണ്. ഷാർജ രാജ്യാന്തര പുസ്തകമേളയോടനുബന്ധിച്ച് ഈ മാസം പത്തിന് നടക്കുന്ന ചടങ്ങിൽ പ്രശസ്തിപത്രവും ശില്പവും സമ്മാനിക്കും.