ഷാർജ ഇന്ത്യൻ അസോസിയേഷൻ സ്റ്റാൾ തുറന്നു

ഷാർജ ∙ രാജ്യാന്തര പുസ്തകോൽസവത്തിൽ ഷാർജ ഇന്ത്യൻ അസോസിയേഷന്റെ സ്റ്റാൾ ദുബായ് ഇന്ത്യൻ കോൺസൽ ജനറൽ സതീഷ്കുമാർ ശിവൻ ഉദ്ഘാടനം ചെയ്തു. അസോസിയേഷൻ പ്രസിഡന്റ് നിസാർ തളങ്കര അധ്യക്ഷനായിരുന്നു. 

ദുബായ് ഇന്ത്യൻ കോൺസുലേറ്റിന്റെയും കേരള സാഹിത്യ അക്കാദമിയുടെയും, സംസ്ഥാന സർക്കാരിന്റെയും സഹകരണത്തിലാണ് അസോസിയേഷൻ സ്റ്റാൾ പ്രവർത്തിക്കുന്നത്. ജനറൽ സെക്രട്ടറി പി. ശ്രീപ്രകാശ്, ജിബി ബേബി, നസീർ കുനിയൽ, യൂസഫ് സഗീർ, പ്രഭാകരൻ പയ്യന്നൂർ, എ.വി. മധു, അബ്ദു മനാഫ്, കെ.കെ. തലിബ്, മുരളി എടവന, ടി. കെ. പ്രദീപ് എന്നിവർ പ്രസംഗിച്ചു.