സെന്റ് തോമസ് ഓർത്തഡോക്സ് കത്തീഡ്രലിൽ കൊയ്ത്തുത്സവം

ദുബായ് ∙ സെന്റ് തോമസ് ഓർത്തഡോക്സ് കത്തീഡ്രലിൽ കൊയ്ത്തുത്സവ ആഘോഷങ്ങളും കുടുംബസംഗമവും നടത്തി. പ്രമുഖ വ്യവസായി റിസ്വാൻ സാജൻ ആഘോഷങ്ങൾ ഉദ്ഘാടനം ചെയ്തു. 

യാക്കൂബ് അൽ അലി, യുഎഇ പൗരത്വം നൽകി ആദരിച്ച ഡോ. ജോർജ് മാത്യു എന്നിവരെ സമ്മേളനത്തിൽ അനുമോദിച്ചു. പരിശുദ്ധ ദിദിമോസ് പ്രഥമൻ കാതോലിക്കാ ബാവാ അൺസങ്‌ ഹീറോ അവാർഡ് ഹരിതകർമ സേനാംഗം ധനുജകുമാരിക്ക് സമ്മാനിച്ചു. 

മികച്ച കർഷകനുള്ള പുരസ്കാരം മലപ്പുറം നിലമ്പൂർ സ്വദേശി മാത്യു തോമസിനും സമ്മാനിച്ചു. കൊയ്ത്തുത്സവത്തിന്റെ ഭാഗമായി ഒരുക്കിയിരുന്ന ഭക്ഷണശാലകളുടെ ഉദ്ഘാടനം നടി അനു സിത്താര നിർവഹിച്ചു. കലാസന്ധ്യയിൽ നടി മംമ്ത മോഹൻദാസ് മുഖ്യാതിഥിയായി.