ഗ്ലോബൽ പീസ് 365: ലോക സമാധാനത്തിനായ് 'പട്ടം പറത്തൽ'
Mail This Article
കോഴിക്കോട് ∙ പ്രവാസി മലയാളി ഫോറത്തിന്റെ ലോക സമാധാനം 365 ദിവസങ്ങളിലും എന്ന സന്ദേശ പ്രചരണാർത്ഥം ലോകരാഷ്ട്രങ്ങളിൽ സമാധാന സന്ദേശം എത്തിക്കുന്നതിനായ്, 2024 ജനുവരി 1 മുതൽ ആരംഭിച്ച സന്ദേശ പരിപാടിയുടെ ഭാഗമായ് വൺ ഇന്ത്യ കൈറ്റ് ടീമുമായി സഹകരിച്ച് കൊണ്ട് സമാധാനത്തിന്റെ നഗരമായ കോഴിക്കോടിന്റെ ബീച്ചിൽ വെച്ച് ലോക സമാധാന സന്ദേശ പട്ടം പറത്തൽ നടത്തി.
പട്ടം പറത്തൽ വേൾഡ് മലയാളി ഫെഡറേഷൻ ചെയർമാൻ ഡോ. പ്രിൻസ് പള്ളിക്കുന്നേൽ (ഓസ്ട്രിയ) ഉദ്ഘാടനം ചെയ്തു. വൺ ഇന്ത്യ കൈറ്റ് ടീം ക്യാപ്റ്റൻ അബ്ദുള്ള മാളിയേക്കൽ അദ്ധ്യക്ഷത വഹിച്ചു. ഫൊക്കാന കൺവൻഷൻ വൈസ് പ്രസിഡന്റ് ലീല മാരാട്ട് (USA), പ്രവാസി മലയാളി ഫോറം ഗ്ലോബൽ കോർഡിനേറ്റർ സുനു അബ്രഹാം, റനി ജോർജ്ജ് (KSA), ഗുലാം ഹുസൈൻ കൊളക്കാടൻ, എന്നിവർ ആശംസകൾ നേർന്ന് സംസാരിച്ചു. വൺ ഇന്ത്യ കൈറ്റ് ടീം ലീഗൽ അഡ്വൈസർ അഡ്വ. ഷമീം പക്സാൻ സ്വാഗതവും സാജിദ് തോപ്പിൽ നന്ദിയും പറഞ്ഞു.