മാര്. ഡോ. തോമസ് തറയിലിന് സ്വീകരണം ജൂണ് 21ന്
Mail This Article
ഷിക്കാഗോ∙ ചങ്ങനാശേരി അതിരൂപതയുടെ സഹായ മെത്രാനായ മാര്. ഡോ. തോമസ് തറയിലിനു ജൂണ് 21-നു വെള്ളിയാഴ്ച വൈകുന്നേരം 6.30-ന് സ്വീകരണം നല്കുന്നു. ഷിക്കാഗോ മാര്ത്തോമാശ്ശീഹാ സിറോ മലബാര് കത്തിഡ്രല് ഹാള് (ചാവറ ഹാള്) ആണ് സമ്മേളന വേദി. ചങ്ങനാശേരി, കുട്ടനാട് നിവാസികളും, എസ്.ബി ആന്ഡ് അസംപ്ഷന് പൂര്വ്വ വിദ്യാര്ത്ഥി സംഘടനയുടെ ഷിക്കാഗോ ചാപ്റ്ററും സംയുക്തമായാണ് പരിപാടി സംഘടിപ്പിക്കുന്നത്.
2000-ല് മാര് ജോസഫ് പവ്വത്തില് നിന്നും വൈദീക പട്ടം സ്വീകരിച്ച മാര് ഡോ. തോമസ് തറയില് മാര് ജോസഫ് പെരുന്തോട്ടത്തില് നിന്നും മേല്പ്പട്ടം സ്വീകരിച്ച് ചങ്ങനാശേരി അതിരൂപതയുടെ സഹായ മെത്രാനായി അഭിഷിക്തനായത് 2017 ഏപ്രില് 23-നാണ്. 47-കാരനായ അദ്ദേഹം സീറോ മലബാര് സഭയിലെ ഏറ്റവും പ്രായംകുറഞ്ഞ ബിഷപ്പുമാരില് മൂന്നാമനാണ്.
തദവസരത്തില് എസ്ബി അലുംമ്നിയുടെ ഷിക്കാഗോ ചാപ്റ്റര് അംഗങ്ങളുടെ മക്കള്ക്കായി സ്ഥാപിച്ചിട്ടുള്ള 2018-ലെ പ്രതിഭാ പുരസ്കാര വിജയികളെ ആദരിക്കുകയും സമ്മാനദാനം നടത്തുകയും ചെയ്യുന്നതാണ്. വിവരങ്ങള്ക്ക്: ഷാജി കൈലാത്ത് (224 715 6736), ആന്റണി ഫ്രാന്സീസ് (847 219 4897), ജോണ് നടയ്ക്കപ്പാടം (847 347 6447).