ഐഎൻഎഐയുടെ ഹോളിഡേ ആഘോഷങ്ങൾ ജനുവരി 11ന്

ഷിക്കാഗോ ∙ ഇന്ത്യൻ നഴ്സസ് അസോസിയേഷൻ ഓഫ് ഇല്ലിനോയിയുടെ ഈ വർഷത്തെ ഹോളിഡേ ആഘോഷങ്ങൾ ജനുവരി 11, ശനിയാഴ്ച 5.30ന് ഡസ്പ്ലയിൻസിലുള്ള കെസിഎസ് ഹാളിൽ വച്ച് (1800E Oakton St Desplains, IL-60016) നടത്തും..

 ആഘോഷപരിപാടികളുടെ ചീഫ് ഗസ്റ്റ് സോഷ്യൽ ആക്ടിവിസ്റ്റ് കെവിൻ ഓലിക്കൽ ആണ്. ഷിജി അലക്സ് നടത്തുന്ന മൈൻഡ്ഫുൾനസിനെകുറിച്ചുള്ള ക്ലാസ് ഇതിനോടൊപ്പമുണ്ടായിരിക്കും. അതുകൂടാതെ ഗാനങ്ങൾ, ഡാൻസ്, യോഗ എന്നിങ്ങനെ വ്യത്യസ്തങ്ങളായ പരിപാടികളാണ് ഇപ്രാവശ്യം ഒരുക്കിയിരിക്കുന്നത്.

മീറ്റിങ്ങിനു മുൻപായി ഐഎൻഎഐ മെമ്പേഴ്സിന്റെ  ജനറൽ ബോഡി മീറ്റിങ് ഉണ്ടായിരിക്കുന്നതാണ്. ഹോളിഡേ ആഘോഷങ്ങളിലേക്കു ഷിക്കാഗോയിലുള്ള എല്ലാ ഇന്ത്യൻ നഴ്സുമാരേയും കുടുംബസമേതം പ്രസിഡന്റ് ഡോ. ആനി എബ്രഹാവും മറ്റ് ഭാരവാഹികളും ക്ഷണിച്ചുകൊള്ളുന്നു.