ഡാലസിൽ പാർക്കിങ് ലോട്ടിൽ തകർന്ന് വീണ സിംഗിൾ എൻജിൻ വിമാനത്തിന്റെ പൈലറ്റ് മരിച്ചു

ഡാലസ്∙ ചൊവ്വാഴ്ച വൈകുന്നേരം പ്ലാനോ ഷോപ്പിങ് സെന്റർ പാർക്കിങ് ലോട്ടിൽ തകർന്ന് വീണ  സിംഗിൾ എൻജിൻ വിമാനത്തിന്റെ പൈലറ്റ് മരിച്ചു. അപകടത്തെതുടർന്ന് വൻ ശബ്ദം കേട്ടതായി പ്രദേശവാസികൾ പറഞ്ഞു. തീജ്വാലകൾ വളരെ ഉയർന്നതായിരുന്നതിനാൽ തീപിടിച്ചത് എന്താണ് സംഭവിച്ചതെന്ന് കണ്ടെത്താൻ പ്രയാസപ്പെട്ടതായി ദൃക്സാക്ഷിയായ കെവിൻ ഹോളിഗൻ പറഞ്ഞു.

അപകടത്തെക്കുറിച്ചുള്ള അന്വേഷണം എഫ്എഎയും നാഷനൽ ട്രാൻസ്‌പോർട്ടേഷൻ സേഫ്റ്റി ബോർഡും ഏറ്റെടുത്തിട്ടുണ്ട്. കൂടുതൽ വിവരങ്ങൾ അധികൃതർ പുറത്ത് വിട്ടിട്ടില്ല.