ജോൺ എഫ് കെന്നഡിയുടെ രക്തസാക്ഷിത്വം: സ്മരണകൾ പങ്കുവച്ച് ആയിരങ്ങൾ

ഡാലസ് ∙ പ്രസിഡന്റ് ജോൺ എഫ് കെന്നഡിയുടെ രക്തസാക്ഷ്യത്തിന്റെ  60 വർഷം തികയുന്ന ബുധനാഴ്ച ഡാലസ് ഡൗണ്ടൗണിലെ ഡീലി പ്ലാസയിൽ നൂറുകണക്കിന് ആളുകൾ എത്തി. 1963 നവംബർ 22-നാണ് മുൻ പ്രസിഡന്റ് ജോൺ എഫ്. കെന്നഡി ഡീലി പ്ലാസയിൽ വെടിയേറ്റു മരിച്ചത്.

കൊലപാതകത്തിന്റെ ദൃക് സാക്ഷികൾ ബുധനാഴ്ച ഉച്ചയോടെ അവരുടെ അനുഭവം പങ്കുവച്ചു. അന്ന് ലെസ്ലി ഫ്രെഞ്ചിന് 14 വയസ്സായിരുന്നു. ഷൂട്ടിങ് നടക്കുമ്പോൾ കെന്നഡിയിൽ നിന്ന് 150 അടി അകലെ ഒരു സുഹൃത്തിനൊപ്പമായിരുന്നു താനെന്ന് അദ്ദേഹം പറയുന്നു.

"ചിലർ ഓടുകയായിരുന്നു, ചിലർ വീഴുന്നു, ചിലർ അവിടെ നിൽക്കുന്നു. എന്തുചെയ്യണമെന്ന് ഞങ്ങൾക്കറിയില്ല," ഫ്രഞ്ച് ഓർമ്മിച്ചു. 12 വയസ്സുള്ള മിക്കി കാസ്ട്രോക്കും  ഘോഷയാത്രയിൽ പങ്കെടുക്കാൻ സ്‌കൂൾ വിടാനുള്ള അനുമതി സ്ലിപ്പ് ലഭിച്ചിരുന്നു."ഞങ്ങൾ പ്രസിഡന്റ് ജോൺ എഫ്. കെന്നഡിയെ  കണ്ടു. ഞാൻ ആഹ്ലാദിക്കുകയായിരുന്നു," കാസ്ട്രോ പറഞ്ഞു. മിനിറ്റുകൾക്ക് ശേഷം നടന്ന ദാരുണമായ സംഭവങ്ങളെക്കുറിച്ച് അറിയാതെ കാസ്ട്രോയും സഹപാഠികളും ഡൗൺടൗൺ ഡാലസ് വിട്ടു. അധ്യാപകർ കരയുന്നത് ഞാൻ ഓർക്കുന്നു, കാസ്ട്രോ പറഞ്ഞു.

60 വർഷങ്ങൾക്ക് ശേഷം നടന്ന ദുരന്തത്തെ അനുസ്മരിക്കാൻ നൂറുകണക്കിനാളുകള്‍ ഒത്തു ചേർന്നു. ഡാലസ് നഗരം പ്ലാസയിൽ വാർഷിക പരിപാടികൾ നടത്തുന്നില്ലെങ്കിലും, ബുധനാഴ്ച ഉച്ചയ്ക്ക് 12.30 ന് ഒരു നിമിഷം മൗനം ആചരിച്ചു. കെന്നഡി വധത്തിനു ശേഷം ഒരു യുഎസ് പ്രസിഡന്റും ഡാലസിലെ ഡീലി പ്ലാസ സന്ദർശിച്ചിട്ടില്ല.