കരോൾട്ടൻ മാർത്തോമ്മാ ചർച്ച് ത്രിദിന കൺവെൻഷന് തുടക്കം
![convention convention](https://img-mm.manoramaonline.com/content/dam/mm/mo/global-malayali/us/images/2024/7/13/convention.jpg?w=1120&h=583)
Mail This Article
ഡാലസ് (കരോൾട്ടൻ) ∙ കരോൾട്ടൻ മാർത്തോമ്മാ ചർച്ചിൽ ജൂലൈ 12 മുതൽ 14 വരെ നീണ്ടു നിൽക്കുന്ന ത്രിദിന വാർഷിക കൺവെൻഷൻ ആരംഭിച്ചു. വെള്ളിയാഴ്ച ഗായകസംഗത്തിന്റെ ഗാന ശുശ്രൂഷയോടെ വൈകീട്ട് 6:30 ന് കൺവെൻഷൻ ആരംഭിച്ചു. കൺവീനർ ജോസ് വർഗീസ് സ്വാഗതം പറഞ്ഞു. ഇടവക വികാരി റവ. ഷിബി ആമുഖ പ്രസംഗം നടത്തി. മധ്യസ്ഥ പ്രാർത്ഥനയ്ക്ക് എം. ജെ വർക്കിയും പാഠം വായനയ്ക്ക് സ്മിത ജോണും നേതൃത്വം നൽകി.
![convention-1 convention-1](https://img-mm.manoramaonline.com/content/dam/mm/mo/config-assets/mo-default.jpg)
ആദ്യ ദിവസം 1 തിമൊഥെയൊസ് 6:12 വരെ യുള്ള വചനത്തെയും "വിശ്വാസത്തിന്റെ നല്ല പോരാട്ടം"എന്ന വിഷയത്തെയും ആസ്പദമാക്കി സുവിശേഷ പ്രാസംഗീകനും കാർഡിയോളോജിസ്റ്റുമായ ഡോ. വിനോ ജെ. ഡാനിയേൽ മുഖ്യ പ്രഭാഷണം നടത്തി. ജൂലൈ 13 14 തീയതികളിൽ വൈകീട്ട് 6:30 നും ജൂലൈ 13 ശനിയാഴ്ച ഉച്ചതിരിഞ്ഞു 3 മണിക്ക് യുവജന സെഷനും ഉണ്ടായിരിക്കുമെന്ന് വികാരി റവ. ഷിബി എബ്രഹാം അറിയിച്ചു. കൺവീനർ ട്രീന എബ്രഹാം ,വൈസ് പ്രസിഡന്റ് സജി ജോർജ് എന്നിവർ യോഗ നടപടികൾക്ക് നേതൃത്വം നൽകി.