കൊച്ചുമകളുടെ മരണം, മുത്തശ്ശിക്ക് ജീവപര്യന്തം തടവ് ശിക്ഷ

ഓക്‌ലഹോമ ∙ 60 വയസ്സുള്ള ഓക്‌ലഹോമയിലെ മുത്തശ്ശിക്ക് തന്റെ കൊച്ചുമകളുടെ മരണത്തിന്  ജീവപര്യന്തം തടവ് ശിക്ഷ വിധിച്ചു. 2022-ൽ തെക്കുപടിഞ്ഞാറൻ  ഓക്‌ലഹോമ സിറ്റിയിലെ വീട്ടിലെ ചവറ്റുകുട്ടയിൽ നിന്നാണ് 3 വയസ്സുള്ള റിലേ നോളന്റെ മൃതദേഹം കണ്ടെത്തിയത്.

നോളന്റെ മുത്തശ്ശി ബെക്കി വ്രീലാൻഡിനെ അറസ്റ്റ് ചെയ്യുകയും  കൊലപാതക കുറ്റം ചുമത്തുകയും ചെയ്തു. നോളന്റെ മൃതദേഹം പൊലീസ് കണ്ടെത്തിയപ്പോൾ ദിവസങ്ങളുടെ പഴക്കം ഉണ്ടായിരുന്നു.  മെഡിക്കൽ എക്സാമിനറുടെ റിപ്പോർട്ടിൽ നോളന്റെ മരണകാരണം തലയ്‌ക്കേറ്റ മർദ്ദനമാണെന്ന് കണ്ടെത്തി.