സാക്രമെന്റോയിൽ മിഷൻ ലീഗ് പ്രവർത്തനോദ്‌ഘാടനം സംഘടിപ്പിച്ചു

സാക്രമെന്റോ (കലിഫോർണിയ) ∙ സാക്രമെന്റോ സെന്റ് ജോൺ പോൾ സെക്കൻഡ് ക്‌നാനായ കത്തോലിക്കാ മിഷനിലെ  ചെറുപുഷ്‌പ മിഷൻ ലീഗിന്റെയും മതബോധന ക്ലാസിന്റെയും പ്രവർത്തനോദ്‌ഘാടനം സംഘടിപ്പിച്ചു. മിഷൻ ഡയറക്ടർ ഫാ. റെജി തണ്ടാരശ്ശേരി പരിപാടികൾ ഉദ്‌ഘാടനം ചെയ്‌തു.  

ഡി.ആർ.ഇ പ്രിൻസ് കണ്ണോത്തറ, മിഷൻ ലീഗ് യൂണിറ്റ് വൈസ് ഡയറക്ടർ ടുട്ടു ചെരുവിൽ, ഓർഗനൈസർ ആലിസ് ചാമകാലായിൽ, കൈക്കാരന്മാരായ ഫിലിപ്പ് കളപ്പുരയിൽ, ജെയിംസ് കിണറ്റുകര, മിഷൻ സെക്രട്ടറി ജെറിൻ കൊക്കരവാലയിൽ എന്നിവർ പരിപാടികൾക്ക് നേതൃത്വം നൽകി.

മിഷൻ ലീഗിന്റെ പുതിയ ഭാരവാഹികളായി സേറാ പുത്തൻപുരയിൽ (പ്രസിഡന്റ്), ജോനാ കുടിലിൽ (വൈസ് പ്രസിഡന്റ്), നേഹ കള്ളാട്ടിൽ (സെക്രട്ടറി), ആരോൺ കറ്റുവീട്ടിൽ (ജോയിന്റ് സെക്രട്ടറി) എന്നിവർ തിരഞ്ഞെടുക്കപ്പെട്ടു.
(വാർത്ത: സിജോയ് പറപ്പള്ളിൽ)