പത്തനാപുരം അസോസിയേഷൻ വാർഷിക സംഗമം ആനന്ദ മുഹൂർത്തമാക്കി മാറ്റി

ഡാളസ് ∙ പത്തനാപുരം അസോസിയേഷൻ വാർഷിക സംഗമം മസ്‌കീറ്റ് സെന്റ് പോൾസ് ആഡിറ്റോറിയത്തിൽ വെച്ച് വിവിധ കലാപരിപാടികളോട് കൂടി നവംബർ 10  ഞായറാഴ്ച വൈകിട്ട് 6 മണിക്ക് നടത്തപ്പെട്ടു. പാസ്‌റ്റർ ജയ് ജോണിന്‍റെ പ്രാർഥനയോടുകൂടി തുടക്കമിട്ട യോഗത്തിലെ അദ്യക്ഷൻ തോമസ് ഉണ്ണുണ്ണി ആയിരുന്നു.

മുഖ്യ അതിഥി ആയി എത്തിയത്  ഡാളസ് സെന്റ് പോൾസ് ഇടവക വികാരി റെവ. ഷൈജു സി ജോയ് ആയിരുന്നു. നർമ രസം തുളുമ്പുന്ന കരുതലിന്‍റെ സന്ദേശം നൽകിയ ഫാദർ പ്രവാസി സംഘടനയായ പത്തനാപുരം അസോസിയേഷൻ ഓരോ മെമ്പറിനോടും സമൂഹത്തിൽ ഒറ്റപെട്ടു നിൽക്കുന്ന പാവങ്ങളെയും ശരണരേയും ചേർത്ത് പിടിക്കുവാൻ ആഹ്വാനം ചെയ്തു. തുടർന്ന് നടന്ന കലാപരിപാടികൾ ഒന്നിനൊന്നു മെച്ചപ്പെട്ടതായിരുന്നു.

ടീച്ചർ സാറാ ചെറിയാൻ ഡോ. നിഷ ജെക്കബ് എന്നിവരുടെ സ്കിറ്റ് കാണികളുടെ ഹൃദയം കവർന്നെടുക്കുന്ന തരത്തിലുള്ളതായിരുന്നു.സൂസമ്മ ഉണ്ണൂണ്ണി ബിനോയ് & ഫാമിലി തുടങ്ങിയവർ ആലപിച്ച ശ്രുതി സുന്ദരങ്ങളായ ഭക്തി ഗാനങ്ങൾ സദസ്സിന്‍റെ കൈയടി ഏറ്റു വാങ്ങി. സെക്രട്ടറി ജോൺസ് ഉമ്മൻ റിപ്പോർട് അവതരിപ്പിച്ചു. ഷിബു മാത്യു യോഗത്തിലെത്തിയവർക്കു നന്ദി രേഖപ്പെടുത്തി. (പത്തനാപുരം അസ്സോസിയേഷനിൽ മെമ്പർഷിപ് വേണമെന്ന് താല്പര്യമുള്ളവർ പ്രസിഡന്റ് ജോൺ ഉമ്മൻ 469  878  5295 സെക്രട്ടറി ജോൺസ് ഉമ്മൻ എന്നിവരെ ഫോണിൽ ബന്ധപ്പെടുക).
(വാർത്ത: എബി മക്കപ്പുഴ)