മഴ – എം. ഒ. ബിജു എഴുതിയ കവിത
Mail This Article
×
വിണ്ണിൻ കരച്ചിലായ്...
പെയ്തിറങ്ങീ മഴ..
മണ്ണിൻ കുളിരായ് മാറീ..
ഇട തടവില്ലാതെ ,
ഓടിയെത്തും മഴ...
അരുവിയായ്...
നദിയായൊഴുകീ...
നിൻ ദിവ്യ ദർശനം
ഞങ്ങൾ തന്നുള്ളിലെ
കന്മഷങ്ങൾ മായ്ച്ചുവല്ലോ...
നിൻ പദ നിസ്വനം
ഞങ്ങൾ തൻ ഉൾപ്പൂവിൽ
പുളകിത ഹർഷം നിറച്ചൂ...
വിണ്ടു കീറിപ്പോയ...
പാടങ്ങളിന്നിവിടെ...
ഉന്മേഷ ചിത്തരായ് മാറീ..
തുള്ളിക്കൊരു കുടമെന്നൊരു- മട്ടിൽ നീ
തുള്ളൽ കളികൾ തുടങ്ങീ...
വേനലെങ്ങോ പോയ് മറഞ്ഞൂ..
വേദി നിനക്കായൊഴിഞ്ഞു....
ഇനി നിന്റെ നടനോത്സവങ്ങൾ
ഇനി നിന്റെ ഹർഷാരവങ്ങൾ...
വിണ്ണിൻ കരച്ചിലായ്
പെയ്തിറങ്ങീ മഴ
മണ്ണിൻ കുളിരായ് മാറീ......
Content Summary: Malayalam Poem ' Mazha ' Written by M. O. Biju
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.