മഷിയെഴുതാത്തവൾ – അഭിലാഷ് പണിക്കശ്ശേരി എഴുതിയ കവിത
Mail This Article
×
തെല്ലു കണ്മഷിയില്ലതീ
കൺകളിൽ.. മെല്ലെ
പുഞ്ചിരിയൊന്നത് മാത്രമേ,
കണ്ടതുള്ളു ഞാനാദ്യമായ്
കാൺകെയെൻ കണ്മണീ
നിന്റെ ചെഞ്ചോടി തന്നിലായ്..
പാറിയേറും ചുരുൾ മുടിക്കെ
ട്ടിൽ നിന്നൂർന്നു വീഴുന്ന
സ്നിഗ്ദ്ധമാമീജല ധാരയെന്നിൽ
കുടഞ്ഞിട്ടു നീ പ്രണയലോല
യായെന്റെ ചാരെനിൽക്കുന്നുവോ
ആരിതെന്നു കരുതുന്നു ഞാനുമേ
ആളുമെന്റെയഴലാഴിയാകുമീ
അഗ്നിയിൽ പെയ്തു പെയ്തു
കെടുത്തിയെൻ നീറുമോർമ്മ
തൻ തീക്കനൽക്കൂനകൾ...
എന്റെ ഹൃദയതുടിപ്പുകളത്രയും
വേഗമേറുന്നു വേദന തിന്നുന്നു
വൈകിടും വരാൻ നേരമീ
പുലരിയിൽ പുഞ്ചിരി തൂകി
നീ.. ചെമ്പനീർ പൂവു പോൽ...
English Summary:
Malayalam Poem ' Mashiyezhuthathaval ' Written by Abhilash Panikkasseri
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.