അന്നദാതാവ് – അനിൽ കൂറ്റേരി എഴുതിയ കവിത
Mail This Article
×
അന്നമില്ലാതെ ജീവിക്കുവാൻ
സാധ്യമോ മനുഷ്യവർഗ്ഗത്തിന്
അന്നദാതാക്കളോ കർഷകർ
അന്നം തരുന്നവർ ദൈവതുല്യരായിടേണ്ടവർ
എന്നാലോ ഇന്നവർ കടക്കെണിയിൽ
ജീവിതം ഹോമിച്ചിടുന്നു
അന്നമുട്ടുന്നവന്റെ അന്നം മുട്ടിടുന്നത്
അറിയുന്നില്ല ആരുമെന്നത്
ദുഃഖകരമായിടുന്നു
കർഷകൻ കടം വാങ്ങിയും
പട്ടിണി കിടന്നും
കൃഷി ചെയ്തു ഉൽപാദിപ്പിച്ചിടും
കാർഷിക വിളകളിൽ
അർഹമാം പ്രതിഫലം കൃത്യമാം
സമയത്തു നൽകിടാൻ
ഭരണകൂടങ്ങൾക്ക് കഴിയാതെ പോയിടുന്നു
ഫലമോ
ലാഭേച്ഛയില്ലാതെ മണ്ണിനെ,
മനുഷ്യരെ, പ്രകൃതിയെ
സ്നേഹിച്ച കർഷകർ
ആത്മഹത്യയിൽ അഭയം തേടിടുന്നു
ജീവിതം ത്യജിച്ചിടാൻ വിധിക്കപ്പെടുന്നു
പാവമാം കർഷകർ
English Summary:
Malayalam Poem ' Annadathavu ' Written by Anil Kootteri
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.