ദാഹ ജലം – അനിൽ കൂറ്റേരി എഴുതിയ കവിത
Mail This Article
×
മതിലു പോൽ ചുറ്റിലും
ജലപാതയായ് ഒഴുകിടും
നദികളാൽ സുന്ദരം
കേരവൃക്ഷത്തിൻ ഹരിത
ഭംഗിയാൽ
ചമയമൊരുക്കിടും
ദൈവത്തിൻ സ്വന്തം നാടെന്നു
കേൾവികേട്ട നമ്മുടെ
കൈരളി
കുപ്പിവെള്ളം കുടിച്ചിടുന്നവനെ
ധനാഢ്യൻ ധൂർത്തായി
കണ്ടോരു മലയാളി
ഇന്ന് കുടിവെള്ളത്തിനായ്
കുപ്പിവെള്ളത്തെ ആശ്രയിച്ചിടുന്ന
കാഴ്ചകൾ എങ്ങുമേ കണ്ടിടാം
ദാഹജലം കിട്ടാകനിയായ്
മാറിടുന്ന കാലമരികെ
വന്നണയും വൈകിടാതെ
ഒരു തുള്ളി ജലത്തിനായ്
മനുഷ്യർ തെരുവിൽ തമ്മിലടിച്ചു മരിച്ചിടും
കാലം വന്നണയുമോ
അത്തരമൊരു ദുരവസ്ഥ
വന്നണയുമോ
ദൈവത്തിൻ സ്വന്തം
നാട്ടിലെ മനുഷ്യർക്കും
ഓർത്തിടും നേരം
പേടി തോന്നിടുന്നു
English Summary:
Malayalam Poem ' Daha Jalam ' Written by Anil Kootteri
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.