സായംസന്ധ്യ – രാജേഷ് യോഗീശ്വര് എഴുതിയ കവിത
Mail This Article
×
നിറയുന്നു സായംസന്ധ്യ
ഹൃദയത്തിലെന്നും എന്നിട്ടും,
മനസറിയാതെ അകലുന്നു
നിന്‍ അന്തിച്ചുവപ്പിന്‍ ഇതളുകള്‍
മനസിന്റെയുള്ളറയിൽ
അവസാനകിരണവും ചാര്‍ത്തി
തിരയിളക്കി കടലില്‍ മെല്ലെ മെല്ലെ
താഴുന്നുപോകുമ്പോൾ
ഒത്തിരിനോവായിതീരുന്നു
ഒടുവില്‍ മേഘപടലങ്ങള്‍ ചിത്രം വരക്കുന്നു
ആകാശനീലിമയില്‍ കത്തിതീര്‍ന്ന
പകലിന്‍റെ ചാരവുമായി.
അങ്ങകലെ കൂട്ടത്തോടെ പറന്നുകലുന്നു
പക്ഷികള്‍ കൂട്ടില്‍ ചെക്കേറാന്‍...
ഇനിയും നിറസന്ധ്യയായി നിറയുമീ
എന്‍ കനവിലും നിനവിലും
പതിരായി പതിവായ്‌ പടര്‍ന്നുവെങ്കില്‍.
അകത്തളങ്ങളില്‍ നിറയും
വേര്‍പാടിന്‍ വേദനക്ക്
പടരുമീ സാന്ത്വനം ഹൃത്തിന്‍വഴികളില്‍
ഇനിയൊരു ചെമ്പട്ടില്‍ മൂടി നീ അരുകില്‍
വന്നുവെങ്കില്‍ കൊതിക്കുന്നു എന്‍
ചന്ദ്രഹൃദയം നിനക്കായി കാത്തിരിക്കാം
എരിയുന്ന പകലിന്‍റെ അന്ത്യം വരെ..
നിനക്കായി മാത്രം...
വരുമെന്ന പ്രതീക്ഷയോടെ.....
English Summary:
Malayalam Poem ' Sayamsandhya ' Written by Rajesh Yogishwar
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
