ചൂരൽ – ജംഷാദ് ഒ. ബി. എഴുതിയ കവിത

ഇന്നാണാ ദിവസം 

ക്ലാസ്സിൽ നിശബ്ദതയുടെ 

തിരി തെളിഞ്ഞു

എല്ലാവരും ഒറ്റയിരിപ്പായ്

മൗന പ്രാർഥനയിൽ മുഴുകി
 

ഒരു ചെരുപ്പടി ശബ്ദം 

അടുത്തെത്താൻ തുടങ്ങി

ഒരു കുന്നു പേപ്പറുമായി 

കണക്കു സാർ മേശപ്പുറം നിറച്ചു
 

ആദ്യം വിളിച്ചവനെ നീ തലോടിയില്ല

കാരണം മാർക്കുള്ളവനെ 

നിനക്ക് ഇഷ്ടമല്ലല്ലോ 

രണ്ടാമത് വിളിച്ചവനെ നീ തൊട്ടു 

കാരണം അവൻ നിന്നെ ആഗ്രഹിച്ചിരുന്നു 
 

നിന്റെ മഞ്ഞനിറത്താൽ 

മിനുസമുള്ള മേനി 

എന്നിൽ പതിക്കുമ്പോൾ 

ഒരു നീറ്റൽ ഉണ്ടെങ്കിലും 

നിന്നെ നുകരാത്തവരില്ലല്ലോ
 

അതാണ് നീ 

ബാല്യകാല ഓർമ്മകളുടെ 

ഒരു കുളിർ തെന്നൽ.