നീ പോയ വഴിയേ – ശ്രീപദം എഴുതിയ കവിത

നീ പോയ വഴിയേ പായുന്നിതാ

യെൻമനവും ചേതനയും

നിന്നെയറിയുന്ന എന്നിന്ദ്രിയങ്ങളും 

എന്നോട് കലഹിക്കുന്നുവോ...
 

നിന്നെപ്പരതുന്ന കണ്ണുകൾക്കോ

വേറെ കാഴ്ച്ചയില്ലെന്ന് ശഠിപ്പൂ..

കാതുകൾ കേട്ടൊരു മധുരമാം ഗീതിക

പോയ്മറഞ്ഞങ്ങേതോ തുരുത്തിൽ..
 

പൂക്കില്ലായൊരു വസന്തവും നീയല്ലാതെ

എന്നിൽ, പെയ്യില്ലാ ഒരു മഴയും നീയല്ലാതെ..

നിന്നോർമ്മയിൽ വിങ്ങുന്നു ഹൃത്തടം 

വരുമോ, ഒരു നേരമെന്നിലെ 

മൃതസഞ്ജീവനിയായ്..