കൂട്ടുകാരാ – മുഹമ്മദ്‌ ഷെറിൽ എഴുതിയ കവിത

വരൂ കൂട്ടുകാരാ നദികരയോരം 

വരൂ കൂട്ടുകാരാ

കാറ്റ് പാടുന്നു വസന്തം വന്നുവല്ലോ 

വരവായി പറവകൾ ശലഭങ്ങളും

വരൂ നദികരയോരം വരൂ കൂട്ടുകാരാ
 

നമ്മൊളൊന്നിച്ചിരുന്ന പടവുകളും 

നീന്തി തുടിച്ച കടവും നമ്മെ കാത്തിരിക്കുന്നു 

കാലങ്ങളേറെയായെങ്കിലും നമ്മളേറെ മാറിയെങ്കിലും 

ബാല്യം പൂക്കുന്ന തീരം നമ്മെ തേടുമീ നേരം

നീ വരില്ലേ കൂട്ടുകാരാ
 

കാറ്റ് പാടുന്നു കുട്ടിക്കാല കഥകൾ

ആ നല്ല നാളുകൾ ആ നല്ല ഓർമ്മകൾ 

തന്ന കൂട്ടുകാരാ പോകാം

നമ്മുക്കൊരുമിച്ചാ തീരത്തു പോകാം 

രാ പൂക്കുന്നതും പുലർ മഞ്ഞ് പെയ്യുന്നതും കാണാം 
 

ഒന്നിച്ചിരിക്കാം ഒന്നിച്ചു പാടാം 

കഥകൾ പറഞ്ഞിരിക്കാം

വരൂ കൂട്ടുകാരാ വരൂ

ഉള്ളിന്റെ ഉള്ളിൽ നാം കാത്തുവെച്ച ബാല്യം

വിളിക്കുമീ നേരം വരൂ കൂട്ടുകാരാ

നദികരയോരം വരൂ കൂട്ടുകാരാ