ഓണരാവ് – മിൻസി മൈക്കിൾ എഴുതിയ കവിത

ഉത്രാടരാവിന്റെ മൂവന്തിചോപ്പിൽ നിറയെ 

തിരുവോണപ്പുലരിതൻ പൊന്നോളം 

പൂവാകച്ചോട്ടിലെ തുമ്പപ്പൂ പെണ്ണൊരുങ്ങി 

കൈതപ്പൂത്തുമ്പിന്മേലെ പൂത്തുമ്പികളിലൂയലാടി 

തെന്നൽക്കുളിർ തൊട്ടപ്പോഴെൻ മന്ദാരപ്പൂവുണർന്നു 

മുക്കുറ്റിക്കൂട്ടിനായി മൂവന്തിപ്പെണ്ണ് വന്നു
 

ചെന്തേൻകുടം പോലെയെന്റെ

ആമ്പൽപ്പൂ പെണ്ണ് ചിരിച്ചു 

മനസ്സിന്റെ യവനിക നീക്കി

ഓണനിലാവരങ്ങൊരുങ്ങി 

ഉണ്ണികളോ ചേർന്നൊരുങ്ങി 

ആമോദരാവൊരുങ്ങി.