ഉൽപാദന പ്രവർത്തനം ഉയരത്തിൽ

ന്യൂഡൽഹി∙ മേയിലെ രാജ്യത്തെ ഉൽപാദന പ്രവർത്തനം 31 മാസത്തെ ഉയർന്ന നിലയിലെത്തി. എസ്‍ആൻഡ്പിയുടെ ഉൽപാദന രംഗത്തെ പർച്ചേസിങ് മാനേജേഴ്സ് സൂചിക(പിഎംഐ) ഏപ്രിലിലെ 57.2ൽ നിന്ന് 58.7 ആയി ഉയർന്നു. 2020 ഒക്ടോബറിനു ശേഷം ഈ മേഖലയിൽ സൂചിക ഇത്ര ശക്തമാകുന്നത് ആദ്യം. വിപണിയിൽ ആവശ്യകത വർധിച്ചതാണ് കാരണം. പോയിന്റ് 50ന് മുകളിലാണെങ്കിൽ മേഖല മുന്നോട്ടാണ് എന്നത് സൂചിപ്പിക്കുന്നു. 50ൽ താഴ്ന്നാൽ മാന്ദ്യലക്ഷണമാണ്.