എക്സ്റ്റർ വിപണിയിലേക്ക്

ഹ്യുണ്ടായുടെ ചെറു എസ്‌യുവി– എക്സ്റ്റർ ഇന്ത്യൻ വിപണിയിലെത്തി. മാനുവൽ, ഓട്ടമാറ്റിക് സിഎൻജി മോഡലുകളിൽ എക്സ്റ്റർ ലഭ്യമാണ്. 5.99 ലക്ഷം മുതൽ 9.31 ലക്ഷം രൂപ വരെയാണ് വില. 5 വേരിയന്റുകൾ ലഭ്യമാണ്. സൺ റൂഫ്, ഡാഷ് ക്യാം തുടങ്ങിയ ഫീച്ചറുകളോടെയാണ് എക്സ്റ്ററിന്റെ രംഗപ്രവേശം. ഗ്രാൻഡ് ഐ10 നിയോസ്, ഓറ തുടങ്ങിയ വാഹനങ്ങളുടേതിനു സമാനമാണ് ഇന്റീരിയർ ഡിസൈൻ. 8 ഇഞ്ച് ഇൻഫോടെയ്ൻമെന്റ് സിസ്റ്റവുമുണ്ട്. ഹ്യുണ്ടായുടെ ഏറ്റവും വില കുറഞ്ഞ എസ്‌യുവി എന്നതാണ് സവിശേഷത. മികച്ച സുരക്ഷാ ഫീച്ചറുകളും വാഹനത്തിനു നൽകിയിട്ടുണ്ട്.