കാത്തിരിപ്പിനൊടുവിൽ ഇരട്ടക്കൺമണികൾ; പിന്നാലെ സതീശനെ വേട്ടയാടി രോഗങ്ങൾ

കോട്ടയം∙ ഇരു വൃക്കകളുടെയും പ്രവർത്തനം നിലച്ച് ആഴ്ചയിൽ രണ്ടുതവണ ഡയാലിസിസിന് വിധേയനാകുന്ന ഗൃഹനാഥൻ സഹായം തേടുന്നു. കോട്ടയം പാറമ്പുഴ തെക്കേടത്തുപറമ്പിൽ സതീശൻ മൻലയിലാണ് (58)  ചികിത്സയിലുള്ളത്. ഇതിനു പുറമേ പ്രമേഹത്തെ തുടർന്ന് രണ്ടു കണ്ണിന്റെയും കാഴ്ച ഭാഗികമായി നഷ്ടപ്പെട്ടു. ടിബി, ഹൃദ്രോഗം എന്നിവയ്ക്കും ചികിത്സയിലാണ്.

മുംബൈയിൽ  സോഫ്റ്റ്‌വെയർ എൻജിനീയറായിരുന്ന സതീശനും ഭാര്യയ്ക്കും 17 വർഷത്തെ കാത്തിരിപ്പിനൊടുവിൽ 2022 ഓഗസ്റ്റിൽ ഇരട്ടക്കുട്ടികൾ ജനിച്ചു.  കുട്ടികൾക്കായുള്ള ചികിത്സയ്ക്ക് ജോലി ഉപേക്ഷിക്കുകയും മുഴുവൻ സമ്പാദ്യവും ചികിത്സയ്ക്കായി വിനിയോഗിക്കുകയും ചെയ്തിരുന്നു.

ഈ പി‍ഞ്ചു കുഞ്ഞുങ്ങളും ഭാര്യയും അടങ്ങിയ കുടുംബത്തിന് നിത്യവൃത്തിക്ക് മാർഗമില്ലാത്ത അവസ്ഥയാണ്.  മുന്നോട്ടുള്ള ജീവിതത്തിനും ചികിത്സയ്ക്കുമായി സുമനസുകൾ കനിയുമെന്ന പ്രതീക്ഷയിലാണ്  ഈ കുടുംബം.

Name: Satheesan Manlyil
Bank: SBI Thiruvanchoor Branch
Account No: 67195450992
IFSC  : SBIN0070432
Ph: 9061287462, 7560822964