മിറാഷ് യുദ്ധവിമാനം തകർന്നുവീണു

ന്യൂഡൽഹി ∙ വ്യോമസേനയുടെ മിറാഷ് 2000 യുദ്ധവിമാനം പരിശീലനപ്പറക്കലിനിടെ മധ്യപ്രദേശിലെ ഭിന്ദിലുള്ള മൻ‌കബാഗ് ഗ്രാമത്തിൽ തകർന്നുവീണു. പൈലറ്റ് സ്ക്വാഡ്രൻ ലീഡർ അഭിലാഷ് പാരച്ചൂട്ടിൽ സുരക്ഷിതനായി നിലത്തിറങ്ങി. ഗ്വാളിയറിലെ വ്യോമതാവളത്തിൽനിന്ന് ഇന്നലെ രാവിലെ പറന്നുയർന്ന് അൽപസമയത്തിനകമായിരുന്നു അപകടം.

സാങ്കേതിക തകരാറാണ് അപകടകാരണമെന്നാണു സൂചന. സേന ആഭ്യന്തര അന്വേഷണം ആരംഭിച്ചു. സേനയുടെ കരുത്തുറ്റ യുദ്ധവിമാനങ്ങളിലൊന്നായ മിറാഷാണ് 2019 ൽ പാക്ക് അധിനിവേശ കശ്മീരിലെ (പിഒകെ) ബാലാക്കോട്ടിൽ നടത്തിയ വ്യോമാക്രമണം നയിച്ചത്.

English Summary: Mirage fighter crash Madhya Pradesh