ജനറൽ റാവത്തിന്റെ അവസാന വിഡിയോ സന്ദേശം; ‘നമ്മുടെ സേനകളിൽ നാം അഭിമാനിക്കുന്നു’

‘നമ്മുടെ സേനകളിൽ നാം അഭിമാനിക്കുന്നു, ഈ വിജയം നമുക്കൊന്നിച്ച് ആഘോഷിക്കാം’ – കൂനൂരിലെ ഹെലികോപ്റ്റർ അപകടത്തിൽ ജീവൻ നഷ്ടമാകും മുൻപു സംയുക്ത സേനാ മേധാവി ജനറൽ ബിപിൻ റാവത്ത് പറഞ്ഞ വാക്കുകൾ. 1971–ലെ യുദ്ധവിജയാഘോഷത്തിന്റെ 50–ാം വർഷം സേനാംഗങ്ങളെ അഭിസംബോധന ചെയ്തു തയാറാക്കിയ വിഡിയോ സന്ദേശമാണ് അദ്ദേഹത്തിന്റെ വിയോഗശേഷം സേന പുറത്തുവിട്ടത്. പിന്നാലെ, ഇന്ത്യാ ഗേറ്റ് സമുച്ചയത്തിൽ നടന്ന വിജയ് പർവ് ആഘോഷത്തിലും ഇതു പ്രദർശിപ്പിച്ചു. അപകടത്തിന്റെ തലേന്നാണ് 1.09 മിനിറ്റ് ദൈർഘ്യമുള്ള വിഡിയോ ഷൂട്ട് ചെയ്തതെന്നു സേന അറിയിച്ചു.

English Summary: General Bipin Rawat last message