ജിഗ്‌നേഷ് മേവാനിക്ക് 6 മാസം തടവ്

അഹമ്മദാബാദ് ∙ ഗുജറാത്തിലെ കോൺഗ്രസ് വർക്കിങ് പ്രസിഡന്റും എംഎൽഎയുമായ ജിഗ്നേഷ് മേവാനിക്കും മറ്റ് 18 പേർക്കും അഹമ്മദാബാദ് കോടതി 6 മാസം തടവ് വിധിച്ചു. 2016 ൽ റോഡ് തടഞ്ഞു നടത്തിയ പ്രക്ഷോഭത്തിന്റെ പേരിലാണ് ഇവർക്കെതിരെ കേസെടുത്തിരുന്നത്. ഗുജറാത്ത് സർവകലാശാലയുടെ നിയമവിഭാഗം പണിയുന്ന പുതിയ കെട്ടിടത്തിന് ഡോ. ബി.ആർ.അംബേദ്കറുടെ പേര് നൽകണമെന്ന് ആവശ്യപ്പെട്ടായിരുന്നു സമരം.‍ 

പ്രതികൾക്ക് അപ്പീൽ നൽകുന്നതിന് ശിക്ഷ നടപ്പാക്കുന്നത് ഒക്ടോബർ 17 വരെ മരവിപ്പിച്ചു

English Summary: Ahmedabad court sentences Jignesh Mevani six months jail